Më 19 shkurt Bullgaria përulet para kujtimit të Vasill Levskit. Apostulli i Lirisë u var më 18 shkurt 1873 në Sofje, pasi u dorëzua dhe u dënua me vdekje nga Gjyqi Osman.
Levski krijoi një organizatë të fuqishme ilegale revolucionare, e cila duhej të organizonte kryengritje për çlirimin e Bullgarisë nga Perandoria Osmane. Ai është heroi më i dashur kombëtar bullgar, i njohur për guximin dhe shkathtësinë e tij. Shumë vite me radhë policia osmane e kërkonte pa sukses në të gjitha trojet bullgare. Apostulli është i njohur për moralin e tij të lartë dhe jo në vend të fundit – për aftësitë e tij sportive. Emri i tij revolucionar është “Levski” – pikërisht për shkak të arritjeve të tij të mëdha sportive, kurse stadiumi qendror në Sofje e mban emrin e tij.
Më 19 shkurt në të gjitha qytetet e Bullgarisë zhvillohen aktivitete kushtuar Levskit, kurse burrat e shtetit mblidhen para monumentit të heroit në qendër të Sofjes së sotme, ku dikur e kanë vrarë. Gjatë disa viteve të fundit gjithnjë e më shumë bullgarë të zakonshëm shkojnë vetë që të përulen para monumentit në Sofje, ose në vende të tjera, që kanë të bëjnë me luftën për pavarësinë tonë dhe veprën e këtij biri të madh të Bullgarisë.
Sot programi i gjuhëve të huaja të BNR - "Radio Bulgaria" - "flet" në 11 gjuhë. Me kalimin e viteve disa janë shtuar, të tjera janë hequr nga numri total... I tillë është edhe fati i programeve në polonisht . Ato transmetoheshin në "Radio Sofje", siç..
Më 14 shkurt, Kisha Ortodokse Bullgare përkujton Fjetjen e Shën Kirilit Sllavobullgar - shkencëtar, teolog, edukator, krijues i alfabetit të parë sllav dhe një nga figurat më të ndritura të Evropës Mesjetare. I lindur në Selanik në vitin 827 me emrin..
Më 10 shkurt nderojmë Shën Harallmbin e Magnezisë, martir i besimit. Sipas traditës bullgare, kjo është një nga festat e fundit dimërore. Që nga ajo ditë, njerëzit fillonin të punonin tokën pasi dimri kishte ikur. Martiri i shenjtë Harallambi jetoi në..