Pas një takimi në Sofje me Kryeministrin e Kepit të Gjelbër Zhuze Julisesh de Pina Korea e Silva homologu i tij bullgar Bojko Borisov deklaroi se në dallim të shumë shteteve në Evropë Bullgaria nuk është ngarkuar me probleme me Afrikën në të kaluarën dhe ka qëllime serioze për investime në këtë shtet.

Si sfera me interes të veçantë për investime Borisov shënoi turizmin dhe biznesin. Duke theksuar se aktualisht në Universitetin e Mjekësisë në Sofje bëjnë studime studentë nga Kepi i Gjelbër, Kryeministri Silva nënvizoi se vendi i tij është interesuar nga bashkëpunimi i thelluar me Bullgarinë në sferën e arsimit.

Më vonë Kryeministri i Kepit të Gjelbër u takua me Kryetaren e Kuvendit të Bullgarisë Tsveta Karajançeva, para së cilës shprehu shpresën e tij se ndërmjet dy vendeve do të ndërtohen lidhje të forta dhe të qëndrueshme në fushat e turizmit dhe investimeve. Ai nënvizoi se Kepi i Gjelbër ka një program të posaçëm për partneritet me Bashkimin Evropian dhe se në muajin maj të këtij viti hiqen vizat  për shtetasit evropianë.