Elena Bozhkova: Folklori më hapi sytë për përsosmërinë

Gjeni i trashëguar muzikor dhe tradita vendore folklorike magjepsën këngëtaren Elena Bozhkova që në fëmijërinë në fshatin e lindjes Resillovo, rajoni i qytetit Dupnica të Bullgarisë Perëndimore. Dashuria dhe besnikëria ndaj këngës origjinale të shopëve i caktuan asaj lavdinë e njërës prej këngëtareve më të mira të kësaj krahine folklorike bullgare.

Përvojën korale Elena Bozhkova e grumbulloi në Ansamblin e Këngëve Popullore të Radios Kombëtare Bullgare, në të cilin hyri në vitin 1972. Ajo është njëra prej atyre këngëtareve zëëmbla, të cilat kontribuuan për përhapjen e lavdisë së folklorit bullgar anë e mbanë botës. Ansambli Vokal i Grave të Radios Kombëtare Bullgare fitoi popullaritet pasi në vitin 1986 në tregun muzikor doli disku i dytë i producentit zviceran Marsell Selie “Misteri i Zërave Bullgarë”. Në vitin 1990 ky disk fitoi “Grami” ndërsa në vitin 1997 Marsell Selie lejoi që kori të marrë këtë emër. Me këtë kor Elena Bozhkova ka dhënë koncerte në sallat më prestigjioze të Evropës dhe Amerikës.

Vet këngëtarja kujton, se i nevojitej shumë punë, krahas talentit që posedonte, për të filluar të këndojë si interpretueset etalon të Ansamblit – Nadexhda Hvojneva, Ollga Borisova, Kremena Stançeva, Kalinka Vëllçeva.

Elena Bozhkova është mbajtëse e një sërë çmimesh kombëtare dhe ndërkombëtare: medalje të artë të Konkursit Ndërkombëtar të Muzikës Popullore të Radios së Bratislavës (1981), dekoratën e Festivalit “Danubi, Danubi blu” – Novi Sad (1986), fletë nderi të Ministrisë së Kulturës (2004), urdhrin “Stara Pllanina” (2008), e shumë të tjera. Përvoja e grumbulluar në korin “Misteri i Zërave Bullgarë”, arsimi i lartë mbaruar në Universitetin Jugperëndimor “Neofit Rillski” – Bllagoevgrad, sot i ndihmojnë shumë në punën e saj në vatrat e kulturës. Prej vitesh këngëtarja udhëheq grupe amatore artistike në Sofje dhe në disa prej lagjeve të kryeqytetit.

Vet ajo pranon, se ka shumë interesa, prandaj kërkimet e saj janë të pafundme. “Përfitova nga përvoja e dirigjentëve Krasimir Kjurkçijski, Dora Hristova, Dimitër Dinev, Georgi Genov, Stefan Mutafçiev, me të cilët kam punuar gjatë viteve të karrierës sime si këngëtare. Përvojën e tyre e aplikoj si dirigjente e grupeve amatore artistike “Çubriçançe” pranë Vatrës së Kulturës “Dobri Çintullov” në Sofje, “Çuçuligi” në lagjen Vrazhdebna, Grupit të Burrave nga lagja Kurillo, “Omajni Gllasove” nga lagja Novi Iskër – rrëfen këngëtarja dhe vazhdon: – Me nxënësen time të rritur Polina Paunova marrin pjesë në projektin “Divi Gllasove” (“Zëra të egër”). Librat të cilët i shkrova janë të frymëzuara nga dashuria ime ndaj folklorit. Deri tashti u botuan gjashtë prej tyre: “Dashuri”, “Nëna”, “Me pulsin e Misterit të Zërave Bullgarë”, “Midis Zotit dhe zjarrit”, “Zhabina”, “Muzika e egër e Shopllukut”. Jam duke përgatitur një manual për këngëtarë, të cilët punojnë në mënyrë më intensive me zërin e tyre.”

Edhe më sot Elena Bozhkova me emocion kujton një koncert në të hapur me korin “Misteri të Zërave Bullgar” në Torino të Italisë.

Ky ishte një koncert unik të cilin e dhamë në një shesh në Torino. Këngëtaret e korit ishim në një ballkon në katin e tretë të një godine në qendrën e qytetit. Ne këngëtaret qëndruam në një distancë përafërsisht 6 metra njëra nga tjetra. Dirigjentja jonë Dora Hristova drejtonte interpretimet tona nga sheshi. Megjithëqë distanca midis neve ishte e madhe arritëm të realizojmë një koncert të mrekullueshëm. Ishim si engjëj të cilët këndojnë nga qielli. Tingujt e interpretimeve tona ishin si një reshje kozmike mbi publikun, i cili  nuk pushonte të duartrokiste. Për këtë koncert na propozuan plejbek, por ne refuzuam, sepse kudo që të japim koncerte këndojmë. Më pëlqen atë, të cilën e bëj.

Përgatiti në shqip: Svetllana Dimitrova

Më shumë nga rubrika

Mirosllava Taskova: “Fëmijët përvetësojnë me interes mjeshtëri të ndryshme lidhur me historinë bullgare”

Një nga shenjtorët më të mëdhenj dhe krijues i mrekullive të shekullit të 4, Shën Spiridoni, ka qenë një njeri i thjeshtë në natyrë, i përulur në zemër dhe i mirë në jetë, siç është shkruar në biografinë e tij. Sot kisha ortodokse feston..

botuar më 18-12-12 3.33.MD

Kori i femrave “Elica” shënon përvjetorin e vet të 30 në skenë

Sivjet kori i femrave “Elica” shënon 30 vjet prej themelimit të vet. Formacioni muzikor ka pasur shumë koncerte dhe pjesëmarrje në festivale të ndryshme. Ka dy kompakt disqe, është duke u përgatitur albumi i tyre i tretë, i cili do të incizohet..

botuar më 18-12-05 12.31.MD

Paraqitën kalendarët “Rrënjat bullgare” 2019

Në Sofje Institutit për Etnologji dhe Folkloristikë pranë Akademisë Bullgare të Shkencave i paraqiti kalendarët “Rrënjat bullgare” për vitin 2019. Njëri prej tyre i është kushtuar përvjetorit të Traktatit të Neuilly-sur-Seine, për shkak të të cilit u..

botuar më 18-12-01 9.10.PD