Sinodi i Shenjtë i Kishës Ortodokse Bullgare e shpalli qëndrimin e vet për takimin e Presidentit bullgar Rumen Radev me Patrikun rus Kiril më 4 mars në Sofje. Në këtë takim ishte i pranishëm edhe Patriku bullgar Neofit. Sinodi vuri në dukje se gjatë takimit Presidenti Rumen Radev i ka mbrojtur kategorikisht pozitat e veta. Në takim Patriku Kiril shprehu dhimbjen dhe dëshpërimin e vet për nënvlerësimin e rolit të Rusisë në Luftën Çlirimtare Ruso-Turke dhe dhënien e respektit ndaj popujve të tjerë. Presidenti e siguroi Patrikun e Kishës Ortodokse Ruse se populli bullgar gjithmonë ka respektuar dhe ka shprehur mirënjohjen e tij ndaj popullit rus, kishës ruse dhe ushtarëve nga ushtria-çlirimtare e perandorit Aleksandër II. Në të njëjtën kohë Presidenti Radev nënvizoi shprehimisht se siç kisha lufton për shpirtin e çdo një njeriu, ashtu edhe ne i jemi mirënjohës çdo një ushtari, i cili ka marrë pjesë në ushtrinë ruse nën flamujt e perandorit Aleksandër II, dhe ka vdekur për lirinë bullgare, pavarësisht nga kombësia e tij.