Takimi i tretë i radhës mbi problemet në energjetikë u zhvillua nga organizatat e punëdhënësve pranë kryeministrit Bojko Borisov. Nga Dhoma Ekonomike Bullgare informojnë se është arritur “pajtim, se duhet të ndërmerren masa urgjente për ndërprerjen e marrëveshjeve me termocentralet amerikane  nga kompleksi “Marica Iztok” për blerjen e korrentit të tyre në lidhje me ekzistencën e një ndihme shtetërore të paligjshme”. Është konstatuar se, janë në dukje të gjitha premisat që kjo të bëhet në kuadrin e disa javësh. “Për procedurën do të duhen disa muaj dhe jo disa javë” ka kundërshtuar ministrja e energjetikës Temenuzhka Petkova. Në takim kanë marrë pjesë dhe ministri i financave Vlladisllav Goranov, kryetari i Komisionit Parlamentar për çështjet e energjetikës Deljan Dobrev, kryetarët e Holdingut Energjetik Bullgar, përfaqësues të Kompaniasë Elektrike Kombëtare dhe të Centralit Atomik Kozlloduj.