Në rubrikën e Radios Kombëtare Bullgare “Nedelja 150” (“E diela 150”) Ministrja e Punëve të Jashtme Ekaterina Zaharieva deklaroi se pas goditjeve të SHBA-së, Britanisë së Madhe dhe Francës kundër Sirisë tani për tani nuk shihet rritje e fluksit të refugjatëve. Ministrja nënvizoi se Bullgaria ka pasur informacion paraprak nga partnerët e saj për goditjet në Siri. Me rastin e sulmit në një mbledhje të jashtëzakonshme ditën e shtunë qeveria bullgare bëri të ditur pozitën e saj zyrtare në një deklaratë të posaçme. Në dokument shënohet se qëllimet e goditjeve kundër pajisjeve të lidhura me prodhimin e armëve kimike janë zgjedhur më vëmendje të madhe, që të mos ketë viktima të pafajshme. Qeveria e trajton këtë operacion ushtarak si një paralajmërim për parandalimin e veprimeve të tilla të paligjshme të regjimit sirian në të ardhmen, por shqetësohet për rritjen eventuale të konfliktit dhe i bëri thirrje regjimit sirian për të ndërprerë të gjitha veprimet lidhur me shkeljen e së drejtës humanitare ndërkombëtare. Ka nevojë për ndërmarrjen e masave për uljen e tensionit, si dhe për sigurimin e ndihmës ndaj viktimave të sulmit kimik në qytetin sirian Duma. Bullgaria shpreh përkrahjen e saj për punën e Organizatës për Ndalimin e Armëve Kimike, pret një bashkëpunim aktiv për punën e ekipeve hetuese të Organizatës dhe shpreson që fajtorët për sulmin kimik të zbulohen dhe të marrin përgjegjësinë e vet, thuhet në deklaratën e qeverisë bullgare.
Eurodeputetët kanë frikë nga ndërhyrjet ruse në zgjedhjet e ardhshme të 9 qershorit, si dhe nga pronat e autoriteteve ruse në Bullgari. Kjo shënohet në një projekt-rezolutë të Partisë Popullore Evropiane për ndërhyrjen ruse në zgjedhjet e ardhshme..
Bullgaria vazhdon të vuajë nga problemet me mbrojtjen e të drejtave të njeriut, sipas raportit të Departamentit Amerikan të Shtetit për vitin 2023. Sipas dokumentit, ka raporte të besueshme për tortura dhe trajtim mizor të qytetarëve nga autoritetet..
Qeveria e përkohshme e kryeministrit Dimitër Gllavçev ka 20% miratim dhe 39% mosmiratim. Vetëm 11% vlerësojnë pozitivisht ndryshimet në Kushtetutë në pjesën për kabinetin zyrtar, sipas një sondazhi përfaqësues të agjencisë Trend, të porositur nga..
Kuvendi Popullor votoi dorëheqjen e kryetarit të Kuvendit Popullor Rosen Zheljazkov, me kërkesë të “Po e vazhdojmë ndryshimin - Bullgaria Demokratike",..
Të enjten në vend do të kalojë një front i ftohtë atmosferik. Në të gjithë Bullgarinë do të ketë reshje shiu dhe bubullima. Ka kushte breshëri...
Bullgaria do të ndihmojë Ukrainën në procesin e rimëkëmbjes së infrastrukturës energjetike. Kjo u bë e qartë në takimin e ministrit të energjetikës..