Rruga e vetme e Kosovës është drejt anëtarësimit në BE dhe NATO, shpalli presidenti i Republikës së Kosovës Hashim Thaçi para gazetarëve pas takimit të tij me kryeministrin bullgar Bojko Borisov. Kryeministri bullgar është për një vizitë pune njëditore në Prishtinë. Thaçi nënvizoi se vizita e Bojko Borisovit në kryeqytetin kosovar është vizita e liderit të një shteti mik. Ai e falënderoi kryeministrin bullgar për vëmendjen e treguar ndaj vendit të tij dhe për këtë se takimet e zhvilluara në Prishtinë do të kontribuojnë për marrëdhëniet e mira në regjion. “Bashkimi Evropian do të jetë i plotë vetëm atëherë kur Kosova dhe e tërë Evropa Juglindore të jenë pjesë e tij. Kjo nënkupton jo vetëm paqe e stabilitet, por edhe ngritje të mirëqenies së gjithmbarshme”, tha Hashim Thaçi.

“Me presidentin Vuçiç keni marrë mbi vete këtë barë të rënde, por duhet ta vazhdoni këtë rrugëtim” – nënvizoi Borisovi.

Kryeministrat e Bullgarisë dhe Kosovës Bojko Borisov dhe Ramush Haradinaj diskutuan zhvillimin e marrëdhënieve dypalëshe dhe domosdoshmërinë për fqinjësi të mirë në regjion, si një parakusht i rëndësishëm për qëndrueshmërinë dhe prosperitetin e Ballkanit. Takimi i dy homologëve u zhvillua në Prishtinë në kuadrin e vizitës atje të kryeministrit bullgar, informuan nga Zyra për mediat e Këshillit të Ministrave.