Bullgaria është gati të aderohet në Organizatën për Bashkëpunim dhe Zhvillim Ekonomik dhe pret hartën e vet rrugore për hapjen e negociatave për anëtarësim. Me ato fjalë ministrja e Presidencës Bullgare të Këshillit të BE-së Liljana Pavllova hapi konferencën e nivelit të lartë të organizatës. Ajo prezantoi vendin tonë në një forum kushtuar Evropës Juglindore dhe programeve të reja për reforma dhe zhvillim të aftësisë konkurruese në rajon. Zonja Pavllova rikujtoi se vendi paraqiti kandidaturën e vet për anëtarësim në Organizatën për Bashkëpunim dhe Zhvillim Ekonomik që në vitin 2007 dhe se gjatë viteve vërtetoi mbështetjen e parimeve kryesore të ekonomisë së hapur të tregut, pluralizmit demokratik, vullnetit për reforma dhe respektimit të të drejtave të njeriut. Gjatë vizitës së sekretarit të përgjithshëm të Organizatës për Bashkëpunim dhe Zhvillim Ekonomik Anhell Gurija në Sofje për takimin joformal të çështjeve ekonomike dhe financiare ECOFIN më 27 dhe 28 prill në Sofje, ai do të informohet për hapat e Bullgarisë për aderim në organizatë.