Ambasada e Ukrainës në Bullgari dënoi kategorikisht vizitën e përfaqësuesve të Partisë Nacionaliste “Ataka” në krye me liderin Volen Siderov në Republikën Autonome të Krimesë, vizitë kjo e cila, sipas palës ukrainase, është e paligjshme. Shkak për vizitën ishte Forumi Ekonomi Ndërkombëtar në Jaltë, i cili sipas Ukrainës është “një aksion i planifikuar provokues, i cili ka për qëllim të mashtrojë banorët e Krimesë dhe shtetasit e Rusisë dhe të krijojë iluzion për njohje ndërkombëtare të provës së aneksimit të Republikës Autonome të Krimesë dhe qytetit Sevastopoll”. Në deklaratë theksohet, se Ambasada e Ukrainës shumë herë u bëri apel shtetasve bullgarë “të përmbahen nga vizita të paligjshme në territoret e okupuara dhe nga kontaktet me okupatorët të paligjshëm të gadishullit”.