Kryetari i Parlamentit Evropian Antonio Tajani, i cili është në Sofje për Samitin BE-Ballkani Perëndimor, zhvilloi një takim dypalësh me Kryeministrin Bojko Borisov. Kryeministri deklaroi se pret që aderimi i vendeve nga Ballkani Perëndimor në BE të vazhdojë të jetë një politikë me prioritet edhe pas përfundimit të Presidencës Bullgare të Këshillit të BE-së. Kryetari i Parlamentit e përshëndeti Borisovin për zhvillimin e suksesshëm të Presidencës dhe për punën e Bullgarisë për përqendrimin e vëmendjes te Ballkani Perëndimor. Ai e ripohoi angazhimin e Parlamentit Evropian për ta përkrahur perspektivën evropiane të shteteve të këtij regjioni, për ta inkurajuar dialogun mes tyre dhe për zhvillimin e reformave të domosdoshme.