Afro 2000 qytetarë e vizituan Shtëpinë e Presidencës Bullgare të Këshillit të BE-së me rastin e Ditës së Dyerve të Hapura. Ata i vizituan sallat, ku gjatë afro pesë muajve të fundit kishin mbledhje mbi 20 000 delegatë. Vizituesit e panë edhe sallën emblemë Nr. 3, në tryezën e rrumbullakët të së cilës deri në të premten e vitit të kaluar uleshin liderët e BE-së dhe partnerët e Ballkanit Perëndimor, bëri të ditur zyra e shtypit e Ministrisë së Presidencës. Edhe të vegjlit, edhe të rriturit mësuan më shumë për rolin e Presidencës së rotacionit të Këshillit të BE-së, për punën e Këshillit, për aktivitetet e rëndësishme të zhvilluara në kuadër të Presidencës Bullgare, si dhe për veprat e shumta të artit në Pallatin Kombëtar të Kulturës, të vendosura që gjatë ndërtimit të godinës në vitin 1981 me rastin e përvjetorit të 1300 të themelimit të shtetit bullgar.