Qeveria miratoi rregulla të reja për ndihmën financiare ndaj shkollave bullgare të së dielës jashtë shtetit. Ato do të varen nga formati i arsimimit dhe pjesëmarrja e fëmijëve në veprimtaritë shkollore, të cilat kontribuojnë për ruajtjen e vetëdijes kombëtare, kulturën dhe traditat e popullit bullgar.

Çdo vit buxheti shtetëror siguron mjete për ndihmën e arsimit të fëmijëve bullgarë jashtë shtetit në disa lëndë mësimore – gjuha dhe letërsia bullgare, historia dhe qytetërimi, gjeografia dhe ekonomia, që kanë të bëjnë me historinë dhe gjeografinë e Bullgarisë, si dhe për veprimtari suplementare shkollore, të cilat e ndihmojnë këtë arsim. Rregullat e reja japin mundësi për organizimin e mësimdhënies elektronike. Qëllimi është që në këtë mënyrë të zgjerohet aksesi tek arsimi. Është parashikuar një sistem elektronik për llogaritjen e mjeteve të siguruara, i cili nga ana e vet do të çojë në pakësimin e dokumentacionit shkollor dhe të peshës administrative për organizatat e bullgarëve, që jetojnë jashtë shtetit.