Sot dhe nesër Instituti Kulturor Bullgar në Londër organizon “Festim për Kristo”- një ngjarje emblematike për popullarizimin e kulturës bullgare në Britaninë e Madhe, e cila zhvillohet në kuadrin e Presidencës bullgare  të Këshillit të Bashkimit Evropian.

Në të do të tregohen dy filma dokumentar. Njëri është titulluar “Kufiri i ëndrrave”, i regjisorit Gjeorgji Ballabanov,dhe u është kushtuar vëllezërve Anani Javashev dhe Hristo Javashev - i pari ka mbetur në Bullgari si aktor, kurse i dyti i ikur në Perëndim, për t'u bërë një nga përfaqësuesit më të njohur të artit modern.

Filmi tjetër është “Ura drejt Kristos” të regjisores Evgjenia Atanasova-Teneva, kushtuar skeleve lundruese të Kristos në liqenin italian Izeo. Gjatë kësaj vere Kristo planifikon të inaugurojë krijimin e vet të parë të madh në të hapur në Britaninë e Madhe - një strukturë lundruese prej varelash me ngjyra, të vendosura nën formën e një trapezi në liqenin londinez Hidepark.