Bojko Borisov: “Izraeli është një mik, në të cilin mund të mbështetemi”

| rinovuar më 18-06-13 6.43.MD
Foto: BTA

Në kuadrin e vizitës së vet në Izrael Kryeministri bullgar Bojko Borisov shqyrtoi me homologun e tij izraelit Benjamin Netanjahu mundësitë për bashkëpunim në fushën e sigurisë dhe prodhimin eventual në sferën e mbrojtjes. Marrëdhëniet dypalëshe u caktuan si tradicionalisht të mira.

Kryeministri Netanjahu e falënderoi Bullgarinë për përkrahjen e saj dhe mbrojtjen e interesave të Izraelit në forume të ndryshme ndërkombëtare edhe në kuadrin e BE-së. Izraeli është një partner strategjik i Bullgarisë në fushën e ekonomisë, financave, energjetikës, turizmit dhe bujqësisë. Bashkëpunim ka edhe në lëmin e teknologjive të larta dhe të sigurisë.

“Për ne Izraeli është një mik, në të cilin mund të mbështetemi”, tha kryeministri Borisov. Në takimin e tij me Presidentin e Izraelit Reuven Rivlin u diskutua situata në Lindjen e Mesme.

Kryeministri bullgar u takua me liderin e opozitës parlamentare Isaak Hertsog. Borisovi e falënderoi Kuvendin e Izraelit (Knesset) për ndihmën në lidhje me hartimin dhe diskutimin publik të Ligjit bullgar kundër terrorizmit.

Gjatë vizitës u bë e qartë se në shtator në Sofje dhe në Tel Aviv pritet se do të inaugurohen monumente kushtuara përvjetorit të 75-të të shpëtimit të hebrenjve bullgarë.

Në takimin e tij me Patrikun e Jerusalemit Theophilos III Bojko Borisovi u dekorua me Urdhrin e Kalorësit të Jerusalemit. Kryeministri bullgar informoi Patrikun për rinovimet e bëra në kishat bullgare brenda dhe jashtë shtetit dhe pastaj u përkul para Varrit të Shenjtë.


Më shumë nga rubrika

Presidenti Radev për vizitë në Britaninë e Madhe

Në kuadrin e vizitës në Britaninë e Madhe presidenti bullgar Rumen Radev u takua me nënadmiralin Kllajv Xhonstën në komandën aleate detare të NATO-së. Të dy ata vlerësuan lartë kontributin bullgar në kuadrin e NATO-së dhe e vënë theksin mbi trajnimin e..

rinovuar më 18-10-17 7.23.MD
Viktorija Marinova

Nga Frankfurti u transportua i dyshuari për vrasjen e gazetares Viktorija Marinova

Me fluturim të rregullt nga Frankfurt u transportua Severin Krasimirov, i dyshuar për vrasjen e gazetares Viktorija Marinova. Nga aeroporti ai do të transportohet deri në arrest në qytetin danubian Ruse. Burrit 21 vjeçar duhet t’i ngrihen dy akuza – për..

botuar më 18-10-17 7.14.MD

“Gallëp”: 70 për qind nga bullgarët ndjejnë rritje të çmimeve

70 për qind prej bullgarëve janë të mendimit, se javët e fundit shihet një rritje e çmimeve të mallrave dhe shërbimeve. Këtë e tregon një anketim i Agjencisë Sociologjike “Gallëp” zhvilluar nga 5 deri më 12 tetor. Kjo tendencë ndihet më tepër nga më të..

botuar më 18-10-17 5.56.MD