Një prej filmave më të pritur këtë vit “Solo: A Star Wars History” (“Solo: Një histori nga Lufta e yjeve”) tashmë është në kinema. Mirëpo, pak nga fansat e serisë e dinë se kompania bullgare Sofia Session Orchestra & Choir është producent dhe e ka incizuar një pjesë prej koreve për soundtrackun e filmit. Në projekt ka marrë pjesë një kor meshkujsh prej 30 këngëtarësh, ndër të cilët shtatë “basso profondo” – zëri më i ulët i njeriut në traditat korale bullgare dhe 30 këngëtare popullore nga kori “Vanja Moneva”. Ata kanë incizuar një pjesë prej muzikës së filmit. Qëllimi i saj është që ta nënvizojë temën e një personazhi të veçantë. Dirigjenti i korit mashkullor është Georgi Strezov, kurse Vanja Moneva është dirigjentja e korit të femrave. Veprimtaria e kompanisë Sofia Session Orchestra & Choir i është drejtuar krejtësisht tregut ndërkombëtar dhe realizon projekte për disa prej kompanive më të mëdha të producentëve në botë, ndër të cilat Disney, Warner Bros, Sony, BBC, Lucas Film, LEGO, Netflix, EMI, transmetoi Agjencia Telegrafike Bullgare /BTA/.