Që nga fillimi i krizës me migrantët Bullgaria kishte një sjellje më të arsyeshme se sa shumë shtete evropiane. Mbrojtja e kufijve të jashtme të BE-së duhet të përforcohet pa kompromis, këtë e tha presidenti Rumen Radev në Bratislavë në një konferencë të përbashkët për shtypin me homologun e tij sllovak Adnrej Kiska. Presidenti bullgar ndodhet në Republikën e Sllovakisë për një vizitë zyrtare. Zotërinjtë Radev dhe Kiska ishin unanim, se BE-ja ka nevojë për pozitë unike në politikën e migracionit. “Evropa më në fund filloi të kuptojë rëndësinë e kësaj krize. Të gjithë zbuluam, se politika e dyerve të hapur është e dëmshme jo vetëm për Evropë, por edhe për shtetet nga të cilat vijnë emigrantët”, deklaroi presidenti bullgar. Ai vuri në dukje, se migrantët nuk duhet të abdikojnë nga zgjidhja e problemeve në vendet e tyre.

Në takimin e presidentit Rumen Radev me kryeministrin e Republikës së Sllovakisë Peter Pelegrini u shpreh qëndrimi i përbashkët, se BE-ja duhet të evidentojë interesat e të gjitha shteteve anëtare kur miraton rregullat për shërbimet e punëtorëve në të ashtuquajturën pako “Mobilitet”. Në se nuk do të merren në konsideratë arsyetimet e transportuesve bullgarë, ka rrezik që mijëra shtetas tanë të mbeten pa punë, gjë që i kthen në emigrantë potencial, theksoi zoti Radev.