Markat e njohura bullgare të kosit, kaçkavallit, lutenicës /salcë e kuqe/ djathit si dhe mallra të tjera, do të fitojnë mbrojtje evropiane brenda 2-3 muajsh. Atëherë do të votohen ndryshimet ligjore për markat tregtare dhe treguesit gjeografikë, me të cilat do të hiqet mbrojtja kombëtare e produkteve.

Amendamentet duhej bërë akoma para 9 vjetëve me synim futjen e këtyre ushqimeve në regjistrin evropian dhe ruajtjen e emërtimeve të tyre origjinale vendase. Me qenë se institucionet përgjegjëse të atëhershme nuk i kanë njoftuar prodhuesit bullgarë për kushtet e regjistrit evropian, Bullgaria zhvillonte bisedime të ngutshme me Brukselin për ruajtjen e të drejtave për prodhim të produkteve vendase. Kompanitë e huaja do të mund t’i prodhojnë ato, por vetëm në qoftë se venë etiketa me shënim se janë prodhime bullgare.