NATO-ja ftoi Maqedoninë të nisë bisedime për anëtarësim në Aleancë

NATO-ja ftoi zyrtarisht Maqedoninë të nisë bisedime për anëtarësim në Aleancë. Këtë e bëri të ditur Sekretari i Përgjithshëm i Paktit Jens Stoltenberg në një konferencë shtypi pas mbledhjes së parë të takimit bilateral të udhëheqësve shtetërorë dhe qeveritarë të shteteve anëtare të Aleancës Veriatlantike, që zhvillohet në Bruksel, cituar nga Agjencia Telegrafike Bullgare /BTA/. Ai saktësoi se Maqedonia do të bëhet shteti i 30 anëtar i Paktit, pasi përfundojnë procedurat rreth zbatimit të Marrëveshjes mes Shkupit dhe Athinës për emrin e Maqedonisë. Kjo tregon se dyert e NATO-s mbeten të hapura, shtoi z. Stoltenberg. Pa ndryshimin e emrit të Maqedonisë vendi nuk mund të aderohet në Pakt, sqaroi Sekretari i Përgjithshëm i Paktit.