Bullgaria është mes vendeve, të cilat kanë tërhequr më shumë investime mbi të ashtuquajturin plan “Junker”. Në qoftë se  investimet e tërhequra trajtohen në krahasim me produktin e brendshëm bruto, mes shteteve në krye janë Greqia, Estonia, Lituania, Bullgaria dhe Finlanda, informon gazeta “Dnevnik”, duke cituar zyrën e shtypit të Komisionit Evropian. Nga korriku i vitit 2015 Fondi Evropian për Investime Strategjike (EFSI), i njohur si plani “Junker”, ka tërhequr 335 miliardë euro investime suplementare në Bashkimin Evropian. Plani “Junker” i lejon grupit të Bankës Evropiane të investimeve të financojë operacione, më rrezikuese në krahasim me investimet e tij të zakonshme. Projektet e përkrahura nga Fondi Evropian për Investime Strategjike janë mjaft inovative, realizohen prej ndërmarrjeve të vogla pa histori kredie ose bashkojnë nevoja më të vogla infrastrukturore në bazë të sektorëve dhe të përfshirjes gjeografike.