Federata bullgare e peshëngritjes pagoi gjobën prej 250 000 dollarësh, e cila i është imponuar nga Federata Ndërkombëtare e  Peshëngritjes. Shuma qe e siguruar përmes marrëveshjeve për reklamë dhe prej dhurimeve të personave fizik. Pas pagimit të gjobës bëhet e mundur pjesëmarrja e 21 sportistëve bullgarë në Kampionatin Evropian të peshëngritjes për të rinj dhe të reja deri më 15 dhe deri më 17 vjeç nga data 22 deri më 28 korrik në Milano /Itali/. Përveç për medalje, ata do të luftojnë dhe për kuotë tek vajzat për Lojërat Olimpike të Rinisë në Buenos Aires. Për 3 vjetët e fundit peshëngritësit e rinj bullgar kanë fituar përgjithësisht mbi 70 medalje nga kampionatet botërore dhe evropiane. Gjoba qe vënë pasi gjatë marsit të vitit 2015 gjatë një testi doping në provat e 11 sportistëve bullgarë nga kombëtarja është gjetur steroid anabolik “stanozolol”. Më vonë qe saktësuar se, shkaku është një shtesë e ndotur ushqimore.