Një festival i lirë po zhvillohet për herë të 4-të tek ne. “I lirë” do të thotë se është pa organizatorë zyrtarë, pjesëmarrësit mblidhen përmes rrjeteve social. Çdo vit festivali organizohet në vend të ndryshëm, por gjithmonë me rëndësi më të madhe është bukuria e vendit tëzgjedhur.

Në ditët nga data 27 deri më 29 korrik mikpritës i ngjarjes është fshati Tëzha në krahinën e Stara Zagorës, i vendosur në rrëzat e pjesës qendrore të malit Stara Pllanina. Festivali ka për qëllim të tregojë, se një botë alternative është e mundur dhe ajo mund ta përkrahë potencialin krijues të njerëzve me një shpirt të lirë dhe t'i lidhë ata me njëri-tjetrin. Me organizimin e ngjarjes merren kryesisht vullnetarë, kurse programi është i hapur për secilin që ndien se ka për të thënë diçka të dobishme për të tjerët dhe për botën.

“Sa më shumë njerëz marrin pjesë me idetë dhe energjinë e vet, kaq më mirë. Je i mirëseardhur të përfshihesh dhe time çfarë të duash, po të mendosh se mund të jesh i dobishëm” – thuhet në ftesën për pjesëmarrje në një nga rrjetet sociale.