Banka Botërore e paralajmëron Bullgarinë për të marrë masa për adaptimin ndaj ndryshimeve klimatike

Foto: dnevnik.bg

Sipas analizës së Bankës Botërore në qoftë se Bullgaria nuk ndërmerr masa për adaptimin ndaj ndryshimeve klimatike, zhvillimi ekonomik i vendit do të komprometohet seriozisht. Po të mos ndërmerren masa, deri në vitin 2050 tempet e rritjes do të pakësoheshin shumë dhe këtej e tutje do të bëheshin negative. Në këtë kontekst aktualisht një ekip i Bankës Botërore është duke punuar mbi një projekt për Strategjinë kombëtare për adaptim ndaj ndryshimeve klimatike, kurse nga sajti i Ministrisë së Mjedisit dhe Ujërave bëhet e qartë se ai do të paraqitet para qeverisë deri në fund të shtatorit.

Gjatë përpunimit të projektit ekipi i institucionit ndërkombëtar përdor modele dhe metodologji të përdorura në vende të tjera-anëtare të BE-së. Analizohen efektet e mundshme të ndryshimeve klimatike në 9 sektorë kyçë – bujqësia, shumëllojshmëria biologjike, energjetika, pyjet, shëndetësia, transporti, zhvillimi urban, turizmi dhe ujërat. Ekspertët bëjnë konkluzionin se këtej e tutje domosdoshmëria për adaptim ndaj ndryshimeve klimatike duhet të jetë në thelbin e marrjes së vendimeve në fushën e udhëheqjes dhe të investimeve. Analizat tregojnë se çdo një euro, e cila është investuar në politikat për pakësimin e ndikimit të ndryshimeve klimatike, do të rikthehet. Kështu për shembull në qoftë se temperaturat mesatare vjetore rriten me 4 gradë deri në vitin 2050, mund të pritet se çdo një euro e investuar në bujqësi do të jetë në dobi prej afro 4 eurosh. Parimisht, në rast skenari të rritjes së temperaturave me 4 gradë Celsius, masat e adaptimit do të pakësonin ndikimin negativ të këtij ndryshimi mbi rritje nga 4.3 për qind në 2.5 prej PBB-së. Mirëpo, në qoftë se nuk merren masa për adaptimin, do të ketë pasoja të rënda për Bullgarinë, si për shembull rritja e çmimeve reale në tërë ekonominë, pakësim i konsiderueshëm i të ardhurave reale dhe rritje e varfërisë.

Duke e vënë theksin te dobitë e adaptimit ndaj ndryshimeve në klimë, analiza e Bankës Botërore arrin në përfundimin se në të gjitha rastet kjo mund të pakësojë konsiderueshëm ndikimin e tyre të pafavorshëm.

Përpiloi: Stoimen Pavllov

Përgatiti në shqip: Vesella Mançeva

Më shumë nga rubrika

Bullgaria – kampioni ballkanik për nga konkurrueshmëria

Bullgaria ruan vendin e saj të 51 në klasifikimin e sivjetshëm të Forumit Ekonomik Botëror kushtuar konkurrueshmërisë së vendeve në botë. Kjo është një pozitë e mirë, sidomos duke pasur parasysh se janë studiuar 140 shtete për nga 98 indikatorë..

botuar më 18-10-23 11.07.PD

E ardhmja vjen që sot – “Automotive Forum & Expo Sofia 2018”

Ata që mendojnë, se e ardhmja është diçka e largët, gabojnë! Secili mund të bindet, që ajo vjen sot, nëse do të vizitojë Automotive Forum & Expo Sofia 2018. Ia vlen të shihet e ardhmja nga afër! Ekspozita është vendosur në “Inter Ekspo Qendër”..

botuar më 18-10-19 1.58.MD

Bullgaria: Kampion evropian për nga humbjet në ekonomi për shkak të mungesës së krahut të punës

Deri para një-dy vitesh të gjithë ankoheshin se papunësia në Bullgari është shumë e lartë – kishte vite, kur ajo ishte rreth 13 për qind. Tani të gjithë ankohen se krahu i punës nuk mjafton – si punëtorët e kualifikuar, ashtu dhe ata pa përvojë...

botuar më 18-10-17 2.30.MD