Në fillim të muajit gusht, i cili është më i preferuari për pushimet verore pazaret tradicionale në vend bëhen më të zhurmshme dhe më ngjyra-ngjyra. Më shumë janë ditët për pazare në qarkun e qytetit Plovdiv (Bullgari Qendrore). Atje ato fillojnë të martën me pazarin në qytetin Septemvri dhe përfundojnë të dielën me pazaret në qytetet Rakovski, Kriçim dhe Hisarja. Të mërkurën njerëzit nga rajoni shkojnë në pazar në Asenovgrad dhe Kallofer, kurse në ditën e së premtes – në Banja dhe Koprivshtica.

Tradita e pazareve djëditore është harruar në qytetet e mëdhe, por në më të voglat ajo është e gjallë. Atje për një ditë ndonjë nga rrugicat e zakonshme shndërrohet krejtësisht në treg të zhurmshëm, ku mund të gjeni gjithçka – derra të vegjël, kompjuterë, veshje autentike popullore nga mali i Rodopeve, pallto të vjetra, por të shëndosha. Aktualisht më shumë kërkohen perimet dhe frutat e freskëta, lulet dhe mallrat për shtëpi, por secili mund të gjejë diçka për vetvete dhe të bëjë pazar për zbritjen e çmimit.