Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Tronditjet verore në koalicionin në pushtet – stuhi në një gotë me ujë

БНР Новини
Foto: BGNES

Ditën e parë të kësaj jave Këshilli i Koalicionit i partisë në pushtet GERB dhe i “Patriotëve të Bashkuar” zhvilloi një mbledhje të dytë, të shkaktuar nga dorëheqjet e tre ministrave bullgarë – të punëve të brendshme, të transportit dhe të zhvillimit regjional. Javën e kaluar Këshilli shtyu debatin rreth kësaj teme për ditën e djeshme, pasi debatoi në vazhdim të katër orëve. Tani, pas vetëm një ore e gjysmë debatesh u vendos që dorëheqjet të votohen në Parlament këtë të enjte. Në shikim të parë duket se ka shumë të ngjarë që problemet verore në koalicionin në pushtet të përballohen sipas planeve paraprake të Kryeministrit, kurse tronditjet rreth tyre të jenë vetëm stuhi në një gotë me ujë.

Kryeministri Bojko Borisov vuri në dukje se e ka marrë vendimin për dorëheqjen e ministrave i vetëm në kundërshtim me Marrëveshjen e Koalicionit mes GERB-it dhe “Patriotëve të Bashkuar”, por njeriu i dytë në partinë GERB Cvetan Cvetanov siguroi se në rast ndryshimesh të ardhshme eventuale në kabinet më parë do të ketë konsultime me “Patriotët e Bashkuar”. Partia më e madhe në pushtet ka në plan që këtej e tutje të zhvillojë më shpesh këshilla koalicioni, që të mos ketë përsëri “probleme në komunikacion”. Supozohet se një prej formacioneve të “Patriotëve të Bashkuar” – Fronti Kombëtar për Shpëtimin e Bullgarisë, ditën e enjte do të votojë kundër dorëheqjeve të ministrave, por do të përkrahë propozimet e reja të GERB-it. Partia “Ataka” paralajmëroi se njerëz afër Kryeministrit janë duke organizuar njëfarë “komploti”, por pavarësisht nga kjo edhe Borisov, edhe Cvetanov janë të bindur se udhëheqja është e qëndrueshme.

Megjithatë në shtyp ka shumë kritika serioze. Gazeta socialiste “Duma” komentoi në një titull sot se Borisovit i mungojnë kuadro sepse ka ngritur kandidatura ministrore të personave pak të njohur nga “eshaloni i dytë i GERB-it”. Një konstatim i tillë u bë edhe nga agjencia “Mediapool”, sipas së cilës kandidatët, të cilët do ta kryesojnë ministritë kyçe të zhvillimit regjional, të punëve të brendshme dhe të transportit, janë me përvojë modeste profesionale dhe politike. Mirëpo kjo tezë do të haset me shumë oponentë, sepse për ministër të punëve të brendshme është propozuar Sekretari i deritanishëm i MPB-së Mlladen Marinov, për ministër të transportit – Zëvendësministri i Ekonomisë Aleksandër Manolev, ndërsa për ministër të zhvillimit regjional – deputetja Petja Avramova, e cila ka punuar si Zëvendëskryetare e Komisionit Parlamentar të Politikës Regjionale.

Forca kryesore politike në opozitë – Partia Socialiste Bullgare i caktoi rokadat e përgatitura si “një hap i dëshpëruar” dhe ditën e enjte do të votojnë kundër kandidaturave të reja të ministrave, sepse sipas saj ata do të vazhdojnë politikën e dëmshme të deritanishme të qeverisë. Vota e socialistëve nuk do të ndryshojë situatën, sepse që nga zgjedhjet e fundit deri tani nuk ka ndryshim në raportin e forcave politike në Bullgari. Pikërisht këtë e ka parasysh Presidenti Rumen Radev, i cili me rastin e ngjarjeve të fundit politike në Bullgari pohon se aktualisht nuk ka alternativë të udhëheqjes, ndërsa mungesa e alternativës nuk është problem i qeverisjes, por i opozitës.

Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Në Bullgari fillon fushata zgjedhore për votën “2 në 1”

Nga ora 00:00 e datës 10 maj, Bullgaria është në një fushatë zgjedhore 30 ditore. Kjo është fushata e gjashtë për një parlament kombëtar brenda 3 viteve e gjysmë. Megjithatë, e veçanta është se tani për besimin e zgjedhësve do të konkurrojnë  si..

botuar më 24-05-10 5.15.PD
Presidenti Radev

Presidenti Rumen Radev: Së shpejti do të bëhet e qartë nëse Maqedonia e Veriut do të ndjekë rrugën drejt Evropës

Në Ditën e Evropës , le të urojmë për një Bashkim Evropian që vazhdon të ndërtojë unitetin e tij mbi parimet e demokracisë dhe paqes. Kështu tha presidenti Rumen Radev pas vendosjes së luleve para monumentit të Luftëtarit të Panjohur me rastin e..

botuar më 24-05-09 11.31.PD
Alfa Research

Parlamenti i ri duhet të transmetojë një qeveri koalicioni me të paktën 3 parti

Gatishmërinë për të votuar më 9 qershor kanë deklaruar 40% e të anketuarve në një anketë përfaqësuese kombëtare nga agjencia “Alfa Research”. 35 për qind do të votojnë për Parlamentin Evropian, sepse shumë komunitete bullgare në vendet jashtë..

botuar më 24-05-08 10.06.PD