Presidenti Radev: BE-ja ka nevojë për një mekanizëm më efektiv për marrjen e vendimeve në situata krizash

| rinovuar më 18-09-14 3.07.MD
Foto: BTA

Në forumin e krerëve shtetërorë të grupit ““Arraiolos” në kryeqytetin e Letonisë Riga Presidenti bullgar Rumen Radev bëri thirrje për përqendrimin e Bashkimit Evropian mbi problemet e sigurisë, të cilat rrjedhin nga proceset aktuale në Evropë.

BE-ja ka nevojë për një mekanizëm më efektiv për marrjen e vendimeve, posaçërisht në situata emergjente. Shpesh bashkimi arrin konsensus një vit të tërë pas shfaqjes së problemit, tha Radevi.

Sipas tij pa kapacitet mbrojtës Bashkimi Evropian nuk mund të garantojë sigurinë e shteteve-anëtare dhe atë në regjionet fqinje, të cilat vazhdojnë të provokojnë kriza dhe flukse refugjatësh.

Në kuadrin e forumit Presidenti Radev u takua me homologun e tij portugez Marcelo Rebelo de Sousa. Ishin konstatuar pozitat e përbashkëta për të ardhmen e BE-së, zgjerimin e bashkëpunimit dypalësh, luftën me terrorizmin, migracionin etj. Rumen Radevi falënderoi për qëndrimin e mirë ndaj komunitetit bullgar në Portugali, ku jetojnë 13 mijë bashkatdhetarë tanë.

Idetë për zhvillimin e BE-së dhe rreziku nga fragmentimi i Evropës ishin theksi i bisedimeve të Kreut të Shtetit Radev me Presidentin e Gjermanisë Frank-Walter Steinmeier. Në takim, me iniciativë të Presidentit gjerman, u shqyrtuan edhe perspektivat për zgjerimin e bashkëpunimit dypalësh mes Bullgarisë dhe Gjermanisë.



Më shumë nga rubrika

30 vjet nga vizita historike e François Mitterrand në Bullgari

Sot mbushen 30 vjet nga vizita historike në Bullgari e Presidentit të Francës François Mitterrand , e cila u dha shtytje proceseve demokratike në vend. Në kuadrin e kësaj vizite gjatë janarit të vitit 1989 Mitterand fti ftoi në   mëngjes në Ambasadën..

botuar më 19-01-18 5.20.MD

3 veta u ndaluan gjatë një aksioni kundër një grupi kriminal

Në kuadrin e aksionit të Prokurorisë së Specializuar, Agjencisë Shtetërore të Sigurisë Kombëtare dhe Drejtorisë së Përgjithshme për luftë kundër krimit të organizuar në Sofje dhe në disa qytete të tjera u ndaluan 43 veta. Fjala është për një grup të..

botuar më 19-01-18 3.44.MD

Banka Kombëtare raportoi treguesit për vitin 2018

Saldoja tregtare e Bullgarisë deri në nëntor 2018 është negative në masë 167.2 mln eurosh me deficit prej 119.5 mln eurosh për nëntor 2017 - bëri të ditur Banka Kombëtare Bullgare. Në periudhën janar-nëntor 2018 saldoja tregtare është negative - në mase..

botuar më 19-01-18 3.31.MD