55 për qind prej bullgarëve mendojnë se dorëheqjet e ministrit të punëve të brendshme, të atij të zhvillimit regjional dhe të ministrit të transportit nuk do ta ndryshojnë punën në kabinet. Këtë e tregon një studim i qendrës studimore “Trend” me kërkesë të gazetës “24 çasa”. 15 për qind prej të anketuarve mendojnë se qeveria do të përmirësojë punën e vet pas ndryshimeve, ndërsa 9 për qind prej bullgarëve janë skeptikë. U konstatua ulje e miratimit të punës së qeverisë, por megjithatë gjysma e bullgarëve ende mendojnë se nuk ka nevojë për zgjedhje të parakohshme. 53 për qind prej bullgarëve të anketuar janë të mendimit se qeveria do ta përfundojë mandatin e vet.