Sivjet Bullgaria është një nga 24 shtetet evropiane, në të cilat që nga 1 deri më 7 tetor zhvillohet Java e Fondacioneve dhe Donatorëve. Në Evropë funksionojnë mbi 144 000 fondacione, dhuratat e të cilave vitin e kaluar kanë arritur 60 mlrd euro. Kauzat, ku këto mjete investohen, janë të shumëllojshme – që nga shkenca dhe ruajtja e natyrës, përmes shërbimeve sociale, arsimit dhe shëndetësisë, të drejtave të njeriut dhe demokracisë deri te veprimtaritë rinore dhe zhvillimi i artit dhe kulturës në Kontinentin e Vjetër.
Në kuadrin e Javës së fondacioneve dhe donatorëve sot (më 5 tetor) Forumi Bullgar i Donatorëve do të shpallë Analizën vjetore për bamirësinë në vend, ose kush, sa dhe për se dhuron. Mirëpo, që para publikimit të analizës, më 1 tetor forumi shpalli të dhëna, të cilat agjencia Mediapool i përgjithëson me titullin “Mjedisi i bamirësisë te ne po keqësohet”. Arsye për një pohim të tillë na jep Indeksi global i mjedisit për bamirësi gjatë vitit 2018 të Lilly Family School of Philantropy, Indiana University. Atje, me indeks individual 3.75 dhe indeks maksimal 5.0 Bullgaria zë vendin e 18 ndër 30 vende evropiane për nga mjedisi i favorshëm i bamirësisë. Shkalla e vlerësimit të mjedisit varet nga mundësitë për zhvillimin e veprimtarive bamirëse, lehtësimet tatimore, potenciali për bashkëpunim transkufitar, karakteristikat socio-kulturore. Nga pikëpamja e këtyre kritereve, në disa vende si Polonia, Bullgaria, Turqia dhe Hungaria mjedisi i bamirësisë po keqësohet, një pjesë e fondacioneve e ndërpresin veprimtarinë e tyre, ndërsa disa të tjera i ndërpresin projektet e tyre, ose hasen me vështirësi në realizimin e veprimtarisë bamirëse. Disa fondacione madje janë të detyruara të largohen nga vendet ku punojnë.
Kalendari i fushatës së sivjetshme të Forumit Bullgar të Donatorëve me rastin e Ditës Evropiane të Fondacioneve dhe Donatorëve përmban një spektër të gjerë prej iniciativash dhe fushatash – për përkrahje të njerëzve të plakur, të fëmijëve dhe të studentëve në gjendje të pabarabartë, për rritjen e nivelit të kulturës së vullnetarëve, për realizimin e kauzave ekologjike dhe arsimore etj.
Përpiloi: Stoimen Pavllov
Përgatiti në shqip: Vesella Mançeva
Nga 9 maji, Radioja Kombëtare Bullgare (BNR) hyn zyrtarisht në botën e TikTok. Në kanalin e ri media do të ofrojnë video informative, por edhe argëtuese me momente nga transmetimi i të gjitha programeve. Do të tregojë prapaskenat e ngjarjeve më të..
Festimi i Ditës së Evropës më 9 maj filloi në vitin 1986. Vendimi për ta shpallur atë u mor në Takimin e nivelit të lartë të Komunitetit Evropian në Milano më 28-29 qershor 1985. Për t'u dhënë fund konflikteve të shumta në Evropë që kulmuan në..
120 shkencëtarë nga Bullgaria dhe 10 vende të botës marrin pjesë në një festival që mbahet nga 9 deri më 12 maj në Tech Park të Sofjes. Organizatorët njoftojnë se ndër të ftuarit e njohur ndërkombëtarisht, të cilët do të ndajnë njohuritë e tyre në një..
Në konkurrencën e mbi 35 ekipeve nga e gjithë bota, ekipi i Universitetit të Sofjes “Shën Kliment Ohridski” fitoi vendin e parë në konkursin më të madh..
Festimi i Ditës së Evropës më 9 maj filloi në vitin 1986. Vendimi për ta shpallur atë u mor në Takimin e nivelit të lartë të Komunitetit Evropian në..
120 shkencëtarë nga Bullgaria dhe 10 vende të botës marrin pjesë në një festival që mbahet nga 9 deri më 12 maj në Tech Park të Sofjes. Organizatorët..