Pjesëmarrësi i fundi bullgar në Olimpiadën Rinore në Argjentinë – boksierja Gorjana Stoeva humbi me 0:5 ndeshjen për medaljen e bronzit në kategorinë deri në 51 kg kundër përfaqësueses së SHBA Destini Garsia dhe zuri vendin e katërt në këtë disiplinë. Kështu Bullgaria përfundoi Olimpiadën Rinore, më të suksesshme deri tani me 5 medalje të arta, 3 të argjendta dhe 2 të bronzit. Medalje të artë fitoi Aleksandra Naçeva në kërcimin trehapësh, tituj në garat ekipore fituan qitësi Kirill Kirov, badmintonistja Marija Dellçeva dhe çifti i akrobatëve  Mariela Kostadinova-Panajot Dimitrov, të cilët fituan individualisht dhe medaljet e arta në çifte të përziera. Nënkampionë u bënë peshëngritësi Hristo  Hristov, atleti në hedhjen e çekiçit Valentin Andreev dhe tenisti Adrian Andreev në çift. Medalje të bronzta fituan Galja Shatova në ngritjen e peshave dhe Edmond Nazarjan në mundje.