Kryetari i Asociacionit të Kapitalit Industrial Vasill Velev deklaroi para Radios Kombëtare Bullgare, se në se shteti ynë zhvillohet me ritmet e tanishme ekonomike, gjatë 5 viteve të ardhshme do të kemi nevojë për gjysmë milionë punëtorë dhe specialistë, duke pasur parasysh tendencat demografike, emigracionin dhe rritjen ekonomike.

Ai nënvizoi se tek ne po kemi nevojë të ashpër për infermierë, mësues, shoferë, kuadro teknike dhe në fushën e inxhinierisë, punëtorë në sektorët e turizmit dhe bujqësisë. Sipas fjalëve të tij biznesi bullgar po vuan nga mungesa e resurseve njerëzore, e cila është pengesë për rritjen ekonomike. Sipas Velevit ekonomia bullgare shënon rritje me ritme modeste dhe po ndodhet në vendin e 12-të në BE për nga rritja e Produktit të Brendshëm Bruto për gjysmëvitin e parë të 2018-ës dhe ekonomitë e pothuaj të gjitha shtetet e Evropës Qendrore dhe Lindore kanë treguese më të mira.