“Estruna” është një projekt i përbashkët i Arkanhelit dhe i korit popullor “Novi Bëllgarski Gllasove” /Zëra të Rinj Bullgarë/. Albumi i tyre Al Este Del Cante fitoi statujën për  flamengo album më të mirë në dekorimet Latino Grami të zhvilluara për herën e 23 në Las Vegas. Kombinimi i flamengos me ritme bullgare dhe zëra bullgarë iu imponua mbi kandidaturat e tjera më tradicionale.

Përpara 5 vjetëve këngëtari i  flamengos Arkanhel zhvilloi koncertin e tij të parë në festivalin “Xhaz+” në Sofje. Në darkë pas koncertit ai dëgjonte muzikë tradicionale bullgare me organizatorët. Si me shaka ata e lidhën me dirigjentin Gjeorgji Petkov /i cili ka punuar përpara kësaj në skenën e Sofjes me Bobi MakFerin/ dhe kështu përpara 4 vjetëve filloi projekti “Estruna”. Incizimet e para ishin në studion numër 2 të Radios Kombëtare Bullgare, i prezantuam si premierë në Radio Bullgarinë.

Në saje të Hose Migel Lopesit, autor dhe drejtues programi në Radion Kombëtare Spanjolle, incizimet u gjendën tek drejtorët e disa prej flamengo-festivaleve më prestigjioze në atdheun e tij. Ftesat vinin njëra pas tjetrës. Kombinimi midis flamengos së re dhe zërave të rinj bullgarë pushtoi fillimisht skenat, kurse pas 3 vjetëve doli në treg dhe albumi i koncertit Al Este del Cante /”Në lindje të këngës”/.