Afro 75 për qind prej konsumatorëve bullgarë kanë dëshirë të paguajnë me smartfonin në vend të kartës bankare ose me para në dorë. Këtë e tregon një anketim për Bullgarinë.

Sipas të dhënave interes më të madh ndaj këtij shërbimi ka ndër njerëzit në moshë 18-22 dhe 35-44 vjeç. Tani te ne celularët shfrytëzohen kryesisht për telefonim (96 për qind), qasje me rrjetet sociale (77 për qind) dhe kërkim në internet (72 për qind). Më rrallë celulari shfrytëzohet për qasje me postën elektronike (59 për qind) dhe për fotografi (67 për qind).

Gjatë dy viteve të fundit u rrit numri i njerëzve të cilët janë të prirë të shfrytëzojnë smarfonin për pagim pa kontakt në POS terminal në dyqanet. Një platformë speciale lejon që numrat e kartave bankare të zëvendësohen me simbole të mbrojtura digjitale unike për çdo celular. Kështu çdo kartë bankare bëhet unike për një celular dhe në raste vjedhjeje nuk mund të punojë. Në Bullgari portofolat e parë digjital për karta të pagimit u aplikuan në vitin 2016.