Pasi mbrëmjen e së premtes Zëvendëskryeministri Valeri Simeonov, i cili përgjigjet për politikën ekonomike dhe demografike, dha dorëheqjen, ajo u pranua menjëherë nga Kryeministri Bojko Borisov. Kjo u bë pas protestave 26-ditëshe të nënave me fëmijë me aftësi të kufizuara, të cilat ishin quajtur nga Zëvendëskryeministri Simeonov “gra të potershme me fëmijët e tyre që sikur janë të sëmurë”. Duke shpallur vendimin e tij për dorëheqjen, ai deklaroi se nuk e ka marrë atë nën presionin e Kryeministrit, por sipas bindjes së vet personale se fushata e fortë mediatike kundër tij do të rrezikojë punën normale të qeverisë, në se ai vazhdon të qëndrojë në këtë post.

Protestuesit përshëndetën dorëheqjen, por do të vazhdojnë të shprehin pakënaqësinë e tyre deri në votimin e dorëheqjes në Parlament. Çadrat e demonstruesve para ndërtesës së Kuvendit Popullor do të mbeten atje derisa nuk pranohen kërkesat e tyre për reforma në Ligjin për njerëzit me aftësi të kufizuara.

Analistët politikë komentojnë se tani koalicionit qeverisës ka akoma një problem për ta përballuar – se kush do të ushtrojë funksionin e Zëvendëskryeministrit.