Sofja është mikpritëse e takimit të avokatëve të popullit të shteteve ballkanike. Tema kryesore e forumit është mbrojtja e të drejtave të qytetarëve. Avokatja e popullit e Bullgarisë Maja Manollova shprehu kënaqësinë e saj për faktin se ai zhvillohet në vitin e Presidencës bullgare të Këshillit të Bashkimit Evropian, tema kryesore e së cilës ishte përkrahja e integrimit evropian të Ballkanit Perëndimor.

Me iniciativë të Manollovës në kuadrin e forumit në Sofje u nënshkrua një Deklaratë për përkrahje dhe bashkëpunim në mbrojtjen e të drejtave të njeriut në regjion. U krijua një rrjet i avokatëve të popullit të vendeve ballkanike me pjesëmarrjen e 13 shteteve nga regjioni, ndër të cilat Serbia, Mali i Zi, Kroacia, Bosnja e Hercegovina, Rumania. Si kryetare e tij u zgjodh Maja Manollova.