Një shou i stërmadh me mbi 300 artistë në skenë do të zhvillohet në sallën e parë të pallatit Kombëtar të Kulturës para Krishtlindjeve. Ish-trajnerja legjendare e gjimnastikës ritmike Neshka Robeva po përgatit spektaklin “Ka një shou të tillë”, të cilin qytetarët dhe mysafirët e Sofjes do të mund ta shikojnë më 12 dhjetor në orën 20:00. Shfaqja është bamirëse dhe mjetet e mbledhura do t’u ofrohen gjimnasteve të gjimnastikës ritmike dhe sportistëve të tjerë nga klubi “Levski”.

Sportistët dhe kërcimtarët më të shquar të Bullgarisë vijnë në Sofje për t’u bërë pjesë e ëndrrës së Krishtlindjeve të një vajze 6-çvjeçare. Ambicia e Neshka Robecvës është që të organizojë turne kombëtare me këtë spektakël.

“Nuk është e pranueshme që sportistët të luten për mjete dhe të shkojnë në institucione të ndryshme për të kërkuar financim për çdo një veprimtari, për çdo pjesëmarrje në garë apo për secilin kamp sportiv, derisa në sallat e tyre s’ka kushte elementare për stërvitje dhe përgatitje. Ata vetë mund të sigurojnë parat, për të cilët kanë nevojë”, mendon Neshka Robeva.