Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Pritje të guximshme për investimet gjatë vitit 2019

Stamen Janev / Foto: BGNES

Duke komentuar para Radios Kombëtare Bullgare pritjet për investimet gjatë vitit 2019 drejtori ekzekutiv i Agjencisë për Investimet Stamen Janev deklaroi se në bazë të arritjeve gjatë 2018-ës parashikimet e këtij institucioni qeveritar janë “mjaftë të guximshme”.

Në krahasim me vitin 2017 vitin e kaluar u realizuan dy herë më shumë investime, ndërsa Agjencia ka certifikuar 28 projekte me vlerë të përgjithshme 430 mln euro (840 mln leva) me potencial për të hapur mbi 2500 vende pune. Një vëmendje të posaçme meriton fakti se projektet kyçe janë në Bullgarinë Veriperëndimore, e cila është rajoni më i prapambetur i vendit. Po vëzhgohet një tendencë e orientimit të investitorëve në drejtim të logjistikës, transportit, industrisë ushqimore dhe turizmit, të cilat kanë kontribut të konsiderueshëm për zhvillimin e Produktit të Brendshëm Bruto. Shpresa të mëdha për vitin 2019 na jep gjithashtu forcimi i interesit të investitorëve ndaj sektorit automobilistik. Drejtori ekzekutiv i Agjencisë për Investimet mendon se përpjekjet e qeverisë për përballimin e pengesave burokratike kanë dhënë një kontribut të konsiderueshëm për zhvillimet e favorshme në sferën e investimeve gjatë vitit të kaluar

Arsye për optimizëm sa i përket 2019-ës na japin edhe disa vëzhgime të Dhomës Bullgare të Tregtisë dhe Industrisë. Në raportin vjetor për vendin e Bullgarisë në klasifikimet botërore kjo organizatë e biznesit konstaton se vendi ruan pozita stabile në klasifikimet e fondacionit “Heritage”, të revistës “The Wall Street Journal” dhe të Institutit kanadez “Frazer”. Ndërkaq, Bullgaria i përmirëson pozitat e veta në “Indeksin për gatishmëri për e-qeveri” dhe në “Indeksin për zhvillimin njerëzor” të OKB-së. Një përparim shumë të madh vendi shënoi në “Indeksin e shërbimeve logjistike” të Bankës Botërore gjatë vitit 2018, ku u lëviz me 20 pozita deri në vendin e 52-të. Mirëpo, ndërkohë në edicionin e Bankës Botërore për biznes për vitin 2019 Bullgaria u ul me 9 pozita, deri në vendin e 59, ndërsa në klasifikimin e revistës “Forbs” për vendet më të mira për biznes vendi ynë sprapset me 12 pozita më poshtë, deri në vendin e 46. Sipas Dhomës Bullgare të Tregtisë dhe Industrisë biznesi dhe shteti duhet të përqendrojnë përpjekjet e tyre kryesisht te rritja e treguesve të diturive, teknologjive dhe gatishmërisë së ardhshme.

Përpiloi: Stoimen Pavllov

Përgatiti në shqip: Vesella Mançeva

Më shumë nga rubrika

Sofja ka pagën mesatare më të lartë në vend - 2900 leva /1482.75 euro/

Paga mesatare në Bullgari në tremujorin e katërt të vitit të kaluar arriti në 2123 leva /1085.47 euro/. Rritja me bazë vjetore është 13%, sipas të dhënave të Ministrisë së Punës dhe Politikës Sociale. Paga mesatare në Sofje është më e larta -..

botuar më 24-03-07 2.52.MD

Vera nga Brestovica në kontekstin e tregtisë bullgare dhe botërore në sektor

Sipas të dhënave të fundit, kërkesa për verë po rritet me ritme të përshpejtuara në tregjet botërore. Si arsye përmendet preferenca e klientëve për pijet e qëndrueshme dhe ekologjike. Ndërsa në sektorin e verërave, vërehet gjithashtu një trend i ri – për..

botuar më 24-03-06 7.15.PD
Veselin Mitov

Mbyllja e termocentraleve do të lërë pa punë 120 000 persona

120 000 persona të punësuar në prodhimin e energjisë elektrike nga qymyri janë në rrezik të humbasin punën dhe të emigrojnë, kanë paralajmëruar ekspertët e Konfederatës së Punës “Podkrepa”. Me rastin e Marrëveshjes së Gjelbër, sindikalistët..

botuar më 24-03-05 10.34.PD