Kryeministri bullgar Bojko Borisov diskutoi situatën e lidhur me Paketën e Mobilitetit 1 në bisedë telefonike me Kryetarin e Parlamentit Evropian Antonio Tajani. Duke pasur parasysh votimin e fundit të teksteve të kësaj pakete në Komisionin për çështjet e transportit në Parlamentin Evropian, në të cilin dy prej tri raporteve ishin hedhur poshtë, kryeministri bullgar insistoi për shtyrjen e shqyrtimit të kësaj teme në parlamentin e ardhshëm, pas zgjedhjeve për deputetë evropianë.

Propozimi bullgar do të prezantohet akoma një herë para Antonio Tajanit në Bruksel nga Ministri i transportit Rosen Zheljazkov, i cili do t’ia shpjegojë të gjitha rezervat e shtetit tonë të lidhura me raportet e hedhura poshtë dhe me procedurat e votimit të tyre në PE.