Bullgaria ka gatishmëri të fillojë bisedime me Britaninë e Madhe për firmosje të një marrëveshjeje bilaterale sociale, në se Mbretëria e Bashkuar largohet nga Bashkimi Evropian pa marrëveshje. Qëllimi është që të mbrohen bullgarët, të cilët jetojnë dhe punojnë në Britaninë e Madhe. Këtë e tha në një intervistë të posaçme për Radion Kombëtare Bullgare Zëvendësministrja sociale Zornica Rusinova. Ajo nënvizoi se do të kërkohet reciprocitet dhe rregulla të qarta për banim. Ka takime të parashikuara në Londër dhe në qytete të tjera, ku ka komunitete të mëdha bullgare, kështu që qytetarët bullgarë aty të jenë maksimalisht të informuar, vuri në dukje Rusinova.