Herën e dytë me radhë qyteti Burgas priti edhe Vitin e Ri kinez me veprimtari të cilat treguan kulturën e sotme kineze.

Viti i Derrit të Egër u prit simbolikisht me një ekspozitë fotografike “Gëzim për botën. Gëzuar Vitin e Ri kinez”. Fotografitë prezantojnë 60 momente speciale nga pritja e Vitit të Ri kinez në pesë kontinentet.

U organizua edhe një ekspozitë tjetër me vizatime fëmijësh me temë “Ëndrra për Evropën dhe për Kinën”. Më se 240 talente të vogla prezantuan pikturat e tyre, të cilat u dërguan në mënyrë digjitale në Kinë për t’u përfshirë në ekspozitën e përbashkët të fëmijëve kinezë dhe bullgarë.

Për çdo vizitues të ekspozitës në qytetin Burgas ka befasi speciale – program kulturor, uorkshop tematik të zanateve kineze, projektim të filmave të animuar.