Në vigjilje të zgjedhjeve për Parlament Evropian partia politike “VMRO – Lëvizja Kombëtare Bullgare” u bë anëtare e Aleancës së Konservatorëve dhe Reformistëve Evropianë. Vendimi u miratua në një forum të Aleancës në Romë. VMRO-ja saktësoi se kjo ka ndodhur pasi anëtarësia e Partisë së Drejtësisë dhe Zhvillimit të Presidentit turk Recep Erdoğan ishte ndërprerë, sepse kjo anëtarësi ishte një kusht ndalues për aderimin e partisë nacionaliste në familjen e konservatorëve evropianë. Nga partia deklaruan se prania e saj në Aleancë është një njohje e jashtëzakonshme e veprimtarisë së saj, si dhe e veprimtarisë së eurodeputetit dhe zëvendëskryetart të VMRO-së Angell Xhambazki, i cili tashmë pesë vjet është pjesë e grupit të konservatorëve dhe reformistëve evropianë në Parlamentin Evropian.