Zgjedhjet Evropiane 2019: Fushata për deputetë evropianë – e vështirë dhe kontradiktore

Foto: BGNES

Fushata zgjedhore për deputetë evropian në Bullgari është në mesin e vet, por po kalon si me gjysmë zemër dhe mbase supozimet për një pjesëmarrje modeste në zgjedhjet evropiane do të konfirmohen.

Gjatë hapjes së sesionit veror të parlamentit, të drejtën e tyre për bërjen e deklaratave e shfrytëzuan vetëm dy parti partia në pushtete GERB dhe partia “Volja”. “Patriotët e Bashkuar” dhe Lëvizja për të Drejtat dhe Liritë nuk deshën që të bëjnë të tilla, kurse Partia Socialiste Bullgare po vazhdon të bojkotojë punën e parlamentit. Shfaqjet individuale të kandidatëve për eurodeputetë sikur nuk dallohen ndër të gjitha informacionet dhe lajmet në media dhe është shumë e vështirë që njeriu të orientohet në mesazhet e drejtuara prej tyre.

Partia Socialiste Bullgare kërkon që kryeministri Bojko Borisov të dalë në pushim, derisa ecën fushata zgjedhore, dhe të mos përdoren para shtetëror për zhvillimin e fushatës zgjedhore të qeveritarëve. Por Borisovi pohon se në programin e tij gjatë ditëve të fundit nuk ka asnjë aktivitet parazgjedhor.

Partia e tij GERB është kritikuar ashpër dhe nga Lëvizja për të Drejtat dhe Liritë,  dhe për faktin se në Bashkimin Evropian ajo zhvillon një lloj politike kurse në Bullgari një politikë tjetër. Për shembull, lëvizja komenton se në Bashkimin Evropian, partia GERB e përkrahë larminë gjuhësore, kurse në Bullgari ndalon përdorimin zyrtar të gjuhëve të tjera.

Fushata e partisë VMRO tregon se, ajo synon të tërheqë votat e nacionalistëve pas prishjes së koalicionit të “Patriotëve të Bashkuar”. Më pak në mediat bullgare pasqyrohen aktivitetet e partisë së biznesmenit Veselin Mareshki “Volja”. Kjo është paradoksale, duke pasur parasysh ajo jep më shumë para për fushatën e vet mediatike pas partisë qeverisëse GERB.

Por, prapë së prapi çdo një prognozë në këtë moment është mjaft e pasigurt, sepse ndoshta disa nga forcat politike kanë ndarë atu të forta për momentin e fundit.

Përgatiti në shqip: Nataniela Vasileva

Më shumë nga rubrika

Fillimi i sesionit të ri parlamentar – në përputhje me pritjet për një vjeshtë të nxehtë politike

Fjalimi tepër kritik i presidentit Rumen Radev drejtuar popullit dhe i lexuar në tribunën parlamentare, me të cilin ai akuzoi qeverinë se do të mbetet në histori si qeveria e vetme që nuk ka diskutuar programin e vet me Kuvendin, provokoi reagime..

botuar më 19-09-04 3.33.MD

„Beteja“ për postin e kryetarit të bashkisë së Sofjes – tema numër një në fillim të sezonit të ri politik

Një ditë para seancës së parë të Kuvendit Popullor pas pushimeve verore, emocionet politike janë në kulm e sipër. Arsyet për këtë janë deklaratat zyrtare të rivaleve kryesore për postin e kryetarit të bashkisë së Sofjes për pjesëmarrje në garën..

botuar më 19-09-03 3.42.MD

Përfundoi apo jo stina politike në Bullgari?

Gushti është muaji i preferuar për pushime për shumicën e bullgarëve dhe politikanët po kështu nuk bëjnë përjashtim. Parlamenti tanimë është në pushimin e vet të zakonshëm veror dhe zyrtarisht do të rivendosë veprimtarinë e vet më 4 shtator. Nga..

botuar më 19-08-12 3.54.MD