Më 11 maj në lidhje me Ditën e apostujve të Shenjtë Kirill dhe Metodij në galerinë e Arteve të qytetit të Sofjes do të zhvillohet koncerti me titull “Arti krijon miqësira” i korit popullor pranë Ansamblit “Goce Dellçev” në qytetin e Sofjes me dirigjent Marek Djakov dhe ansamblit vokal “Ezerec” nga qyteti Bllagoevgrad me dirigjent Iljan Juruçki.
Marek Djakov tregoi për Radio Bullgarinë: “Kori popullor “Goce Dellçev” është krijuar gjatë vitit 1945 dhe ka një repertor nga krahinat e ndryshme etnografike të Bullgarisë. Kurse ansambli vokal “Ezerec” është një grup emblematik për traditën korale bullgare dhe ky koncert është një mundësi e shkëlqyer që të prezantohet pasuria vokale e krijimeve korale të kompozitorëve shumë të njohur bullgarë. Partneriteti ynë miqësor daton prej një kohë të gjatë, kurse koncertet tona të përbashkëta dhe në skenën e qytetit Bllagoevgrad dhe në skenën e Sofjes janë kontributi ynë modest ndaj artit koral bullgar. Mendoj se kur jemi të bashkuar, bëhemi më të fortë dhe bashkojmë publikun dhe adhuruesit rreth nesh. Atmosfera në galerinë e qytetit kontribuon për rëndësinë e koncertit në lidhje me ditën e vëllezërve të Shenjtë Kirill dhe Metodij, për të cilën e falënderojmë drejtorin Petër Dimov. Do të paraqesim një tufë shumëngjyrëshe nga të gjitha krahinat etnografike si dhe interpretime emblematike të të dyja koreve. Publiku do të jetë i befasuar nga veprat e reja, të cilat i kemi përgatitur për këtë koncert.”
Përgatiti në shqip: Nataniela Vasileva
Në Ditën e Ivanit /Ivanovden/ nderojmë kujtimin e Shën Joan Pagëzorit - profeti i fundit i Dhiatës së Vjetër dhe pagëzuesi i Jezusit. Qindra mijëra janë bashkatdhetarët tanë që sot festojnë ditën e emrit. “Ivan është titull, jo emër”, thotë populli..
Madlen Bozhillova Amin është fituesja e çmimit të vitit 2021 të UNESCO-s "Thesari i Gjallë Njerëzor" për një projekt që lidhet me bërjen e kostumit të lashtë të Kjustendillit të quajtur Saya. Kohë më parë, bullgarja u kthye nga jashtë në vendlindjen e..
Një byrek fati është gjithmonë i pranishëm në tryezën bullgare në fillim të Vitit të Ri. Pjata tradicionale për vendin tonë përbëhet nga shtresa brumi me mbushje djathë, vezë dhe gjalpë. Mund të jetë edhe me lloje të ndryshme mishi, presh, spinaq apo..