Ekspozita kushtuar Skënderbeut në Bibliotekën Kombëtare në Sofje

Me iniciativën e Ambasadës së Republikës së Shqipërisë në Sofje dhe personalisht të Ambasadores Donika Hoxha në Bibliotekën Kombëtare “Shenjtorët Kirill dhe Metodij” ishte inauguruar ekspozita, kushtuar heroit më të madh kombëtar të shqiptarëve Gjergj Kastrtioti – Skënderbeu.

Ajo vazhdon ngjarjet e lidhura me festimin e vitit 2018 si viti mbarëkombëtar i 550-vjetorit të vdekjes së Skënderbeut.

„Me ngjarjen e sotme së bashku kremtojmë përvjetorin e 105-të të themelimit të marrëdhënieve diplomatike ndërmjet të dyja vendeve tona më 1914 – tha gjatë inaugurimit të ekspozitës dr. Krasimira Aleksandrova – drejtoresha e Bibliotekës Kombëtare. “Kjo është dhe arsyeja që të kujtojmë se para 26 vjetësh, në vitin 1993 ato ishin përforcuar dhe me anë të Traktatit të Fqinjësisë së Mirë dhe Bashkëpunimit ndërmjet Bullgarisë dhe Shqipërisë. Dokumentet e ruajtura në fondet e bibliotekës sonë dëshmojnë se kontaktet ndërmjet dy popujve tanë kanë qenë aktive dhe reale gjatë viteve. Bullgaria e ka përkrahur lëvizjen arsimore dhe nacionalçlirimtare shqiptare ndërmjet veprimtarisë së shtypshkronjës “Mbrothësia”në Sofje, e cila është themeluar në fund të shekullit XIX nga imigrantët shqiptarë. Në koleksionin e Arkivit Historik Bullgar ruhet dhe fondi i Srebren Popdimitrovit*. Në të ka shumë materiale arkivore dhe dokumentacion zyrtar të institucioneve shqiptare” – shpjegoi dr. Aleksandrova.

Vetë ekspozita dhe dorëshkrimet e përfshira në të, librat e vjetra dhe më të reja ishin prezantuar nga Bojana Miçeva nga ekipi, i cili e ka përgatitur ekspozitën. Theksi është vënë tek poema e madhe e bullgarit Grigor Përliçev “Skenderbeu” e shkruar në gjuhën e përsosur greke katarevusa në vitin 1860. Interes provokon biografia e parë e plotë e Skënderbeut e shkruar nga Marin Barleti, e cila është ruajtur në Bibliotekën Kombëtare në një kopje të botuar në Strasburg në vitin 1537.

Librat e tjera të vjetra janë në gjuhën italiane, franceze dhe gjermane dhe ato lavdërojnë dhe përshkruajnë jetën dhe trimërinë e heroit. Vjershat e George Bayron, Henry Longfellow, Ivan Franko, kënga popullore dhe studime historike të specialistëve, të cilët kanë studiuar jetën e Skënderbeut, gjejnë vend në këtë ekspozitë.

Vitin e kaluar u mbushën 550 vjet nga vdekja e Gjergj Kastrioti – Skenderbeut dhe ky përvjetor ishte shënuar me shumë aktivitete në Shqipëri, në vendet e tjera ballkanike dhe në mbarë botën. Falë përpjekjeve të Ambasadores Donika Hoxha me pak vonesë ai shënohet edhe në Bullgari” – tha gjatë ceremonisë së inaugurimit doc. dr. Georgi Nikollov nga Fakulteti Histroik i Universitetit të Sofjes., i cili ishte ftuar për të prezantuar jetën dhe veprimtarinë e heroit kombëtar shqiptar. Sknederbeu është mjaft i njohur për historianët bullgarë për shkak të lidhjeve të drejtpërdrejta të popujve tanë dhe fatit të tyre të përbashkët historik. Dhe nuk është e rastit se para 50 vjetësh në lidhje me përvjetorin e 500 të vdekjes së tij në Bullgari është organizuar një konferencë e madhe shkencore dhe pas saj është botuar një libër shumë i vlefshëm me ligjëratat e prezantuara në të. “Shumë janë gjërat, të cilat na bashkojnëShekderbeu është lindur në 1405 si i krishterë ortodoks, për arsye politike e ka pranuar islamin dhe më vonë vetë e ka zgjedhur katolicizmin. Në vitin 1425 babai i tij ka pasur disfatë në fushëbetejë dhe është detyruar të dërgojë djemtë e tij Stanisha, Kostandin dhe Gjergj si pengë tek sulltani. Vëllezërit dhe motrat e Gjergjit janë quajtur Repush, Vlajkë dhe Elë, kurse emri i nënës ka qenë Vojsava” – shpjegoi dr. Georgi Nikollov, duke theksuar afërsinë e emrave të familjarëve të Skenderbeut me emra analogjike bullgare.

Një surprizë e këndshme për të gjithë të pranishmit në hapjen e ekspozitës ishte interpretimi duos “Kolazh” (Nona Krëstinkova – soprano dhe Marija Ruseva – piano). Ato prezantuan një arie të operës “Skënderbeu” të Vivaldit. – diçka në të vërtetë e vlefshme për publikun bullgar.

Pas kësaj ekspozite këtë javë presim akoma një ngjarje intresante të lidhur me Shqipërinë. Bëhet fjalë për ekspozitën në Muzeun Historik Kombëtar “Tungjatjeta, emri im është Tirana!” në të cilën janë prëfshirë fotografi të vjetra nga kryeqyteti shqiptar. Dy aktivitetet janë pjesë e “Javës së Shqipërisë në Bullgari”, me të cilën ambasada e Republikës së Shqipërisë në Sofje shënon përvjetorin e 105-të të themelimit të marrëdhënieve politike bullgaro-shqiptare.

*Në periudhën 1928-1931 Srebren Poppetrov Popdimitrov ka qenë organizatori i veprimtarisë kishtare dhe shkollore të bullgarëve në Shqipëri

Foto: Jordanka Ivanova

Postimet e lidhura

Takimi i Patrikut bullgar Neofit me Ambasadoren Donika Hoxha

Të enjten në Sofje u zhvillua takimi i Patrikut të shenjtë të Bullgarisë Neofit me Shkëlqesinë e saj Ambasadoren e Republikës së Shqipërisë në Bullgari Donika Hoxha. Ajo falënderoi për nderin e madh dhe vëmendjen e treguar nga ana e kreut të Kishës..

botuar më 19-05-25 8.41.PD

Ambasadorja e re Donika Hoxha: “Shqipëria do të bëhet më e njohur në Bullgari”

Marrëdhëniet politike ndërmjet Bullgarisë dhe Shqipërisë janë të shkëlqyera, por “mendoj që bashkëpunimi ekonomik nuk e reflekton këtë nivel të marrëdhënieve politike ” – pohoi Ambasadorja Donika Hoxha në intervistën e dhënë posaçërisht për..

botuar më 18-12-14 1.26.MD

Biblioteka Kombëtare shënon 140 vjet nga themelimi i vet

Për bibliotekën Kombëtare “Shenjtorët Kirill dhe Metodij” viti 2018 kaloi nën shenjën e aktiviteteve të ndryshme me rastin e 140-vjetorit nga themelimi i saj. Pika kulmore e festave është sot, kurse gjatë javës së kaluar 2 ngjarje tërhoqën vëmendjen e..

botuar më 18-12-10 4.19.MD
“Gjeografia” e Idrisit – një prej katër transkriptimeve të plota, që ruhen në botë

Biblioteka Kombëtare “Shenjtorët Kiril dhe Metodij” ruan arkivin e tretë më të madh në botë me dokumente osmane-turke

Ndër thesaret letrare të Bullgarisë është arkivi osman-turk i cili ruhet në fondet e Bibliotekës Kombëtare “Shenjtorët Kiril dhe Metodij”. Themelet e tij janë vënë që me inaugurimin e Bibliotekës Kombëtare (atëherë Popullore) – institucioni i..

botuar më 18-10-18 11.44.PD

Më shumë nga rubrika

Vlladimir Dimitrov – Mjeshtri -një nga figurat më të shquara në artin figurativ bullgar

Pikturat e Vlladimir Dimitrov –Mjeshtrit është e pamundur  që të ngatërrohen me krijime të ndonjë piktori tjetër. Kaq origjinale janë, të ndritshme dhe mbresëlënëse, saqë le një kujtim të qëndrueshëm në vetëdije. Shumë karakteristike janë imazhet e..

botuar më 19-06-23 9.05.PD

Salloni i artit naiv dhe intuitiv në Bellogradçik

Veprat e piktorëve, të cilët kanë lënë mbi kanavacën pikturat më të pastra dhe pastorale të fëmijërisë së tyre, po zbukurojnë muret e Sallonit të parë në Bullgari për art naiv dhe intuitiv. Koleksioni ndodhet në dy katet e galerisë së arteve në..

botuar më 19-06-21 3.15.MD
Ibrahim nga Ribnovo

Valerij Poshtarov: Fotografia mund ta detyrojë kohën të ndalojë

“ Gjithmonë kam menduar se fotografia mund të krahasohet me poezinë. Ajo është poezia e arteve vizuale, sepse tek ajo nuk ka dhe kaq shumë teknikë. Tek ajo je i liruar nga kushtëzimet e shumta, të cilat i zbulojmë në gjini të tjeratë arteve vizuale. Aty..

botuar më 19-06-19 12.49.MD