Qyteti i vjetër rilindës Trjavna, i cili njihet për traditat e tij kulturore që nga shekulli i 18-të, pret edicionin e parë të një festivali xhaz. Njeri prej nismëtarëve është këngëtari Vasill Petrov. Ai interpreton në mënyrë të mrekullueshme këngët nga repertori i Frank Sinatërs, prandaj është i njohur si “Sinatra bullgar”. “Mendoj, se një festival xhaz do të lidhet shumë mirë me traditat kulturore të qytetit”, shpjegon idenë e tij Vasill Petrovi. Në kuadrin e festivalit ai do të prezantojë projektin e tij më të ri - xhaz simfonik me orkestrën Simfonieta nga qyteti Vraca.