Të gjesh një investitor, i cili është gati të sigurojë financim për kualifikim nuk është një detyrë e lehtë. Por pikërisht këtë arriti ta bëjë kompania bullgare Coursedot, e cila në vitin 2016 tërhoqi investim nga fondi Eleven, i financuar atëherë nga Fondi Evropian i Investimeve i Bashkimit Evropian. Mungesa e kuadrove në sektorin IT në tërë botën është problemi, mbi të cilin është përqendruar puna e kompanisë bullgare. Çdo gjë ka filluar në vitin 2013 pasi themeluesi i saj dhe drejtori ekzekutiv Teodor Panajotov është kthyer në Bullgari pas specializimit në Singularity University. Në moshën 20-vjeçare ai ka qenë një nga instruktorët më të rinj të certifikuar CCSI/ CCIE (certifikata më e lartë e Cisco-s). Atëherë klientët e mëdhenj korporativë kanë punuar me vetëm disa kompani për trajnim, të cilat nga ana e tyre kanë ofruar çmime tepër të larta për trajnime të njëjta. Për këtë arsye ai dhe ekipi i tij kanë krijuar një platformë me dhjetëra mijë trajnime të ndryshme. Pak nga pak kompania e Teodor Panajotovit zhvillohet dhe krijon mundësi të reja. Kështu është themeluar Coursedot Instructor Hub – një platformë që i bashkon instruktorët IT nga e gjithë bota, e cila u ofron atyre mundësi të shumta dhe të mira, të përshtatshme për kualifikimin e secilit praj tyre. Aktualisht kompania e bullgarit i këshillon korporatat e mëdha dhe i ndihmon jo vetëm në zgjedhjen e kursit dhe instruktorit të përshtatshëm, por dhe në organizimin e tërë procesit të kontrollit të cilësisë.
Për të jetuar normalisht një punëtor në Bullgari nevojiten 1454 leva /743.42 euro/. Këtë e tregojnë të dhënat e Konfederatës së Sindikatave të Pavarura /KNSB/ për tremujorin e fundit. Mbajtja e një familjeje prej tre anëtarësh (dy punëtorë dhe një..
Në botën moderne nuk mjafton të njohësh njësitë monetare të vendeve të veçanta dhe të dish se si monedhat e tyre lidhen me levin bullgar. Konvertimi i levit në euro dhe anasjelltas nuk i zgjidh problemet tona financiare për një kohë të gjatë dhe nuk..
Në vitin 2023, përqindja e të rinjve që nuk punojnë dhe nuk mësojnë nën moshën 29 vjeç ishte 13.8 për qind krahasuar me 15.1 për qind një vit më parë. Në sfondin e BE-së, kjo përqindje në Bullgari mbetet e lartë. 1/7 e të rinjve joaktivë kanë arsim të..