Pas aplikimit të suksesshëm të shenjave të zgjedhura mbrojtëse mbi kartëmonedhën prej 100 levash gjatë vitit 2018, Banka Popullore Bullgare lëshon në qarkullim nga data 1 nëntor i këtij viti edhe një kartëmonedhë të re prej 50 levash, emetim i vitit 2019. 50 levat e reja ruajnë elementet e veta bazë si dhe dizajnin, por janë futur një sërë elementesh mbrojtëse, të cilat specialistët nga Trezori Qendror i përshkruan me hollësi përpara mediave. Kartëmonedha është me një shtresë speciale prej llaku, me qëllim zgjatjen e jetës së saj në qarkullim. Ngjyrat dhe pamjet mbi paratë nuk ndryshojnë, por për një orientim më të mirë të njerëzve të verbër është e vendosur një shenjë shtesë, e cila është e përbërë prej katër vijave të trasha dhe shtatë të holla, të vendosura në një kënd në të dyja anët e shkurtra të kartëmonedhës.
Elementi i dytë mbrojtës janë fijet holograme me një efekt optik, të cilat renditen gjatë ndryshimit të këndit të vështrimit mbi imazhet tona të njohura të shpendit dhe të Ikarit mbi kartëmonedhën prej 50 levash. Kartëmonedha e re ka dhe një portret hologram me ngjyra të Penço Sllavejkovit, imazhin e një libri, i cili e ndryshon ngjyrën e tij nga ngjyra e floririt drejt ngjyrës së gjelbër, gjatë ndryshimit të këndit të vështrimit. Noviteti është një imazh vëllimor tre-dimensioni i numrit 50 dhe efekti “flakë” ku vëzhgohet kalim i ngjyrës nga floria drejt ngjyrës së gjelbër gjatë ndryshimit të këndvështrimit. Një shenjë dalluese e kartëmonedhës së re është dhe ajo e ujit me një rezolutë të lartë, që mund të vihet re gjatë vënies së kartëmonedhës përball një burimi të dritës. 50 levat e vjetra, emetimi i vitit 1999 dhe emetimi i vitit 2006, vazhdojnë të jenë në qarkullim, bashkë me emetimet bankare nga viti 2019 me po këtë vlerë nominale.
Nga Banka Qendrore saktësuan se, pavarësisht nga shpërndarja e gjerë e pagimeve elektronike, po vihet re një rritje e kërkimit të parave prej letre, gjë e cila shpjegohet me anonimitetin e kësaj metode të pagimit. Përveç kësaj kartëmonedhat prej 50 dhe 20 levash janë mes më shpesh të falsifikuarve, gjë e cila imponon dhe përmirësimin e përhershëm të elementeve mbrojtëse. Prandaj novitete të tilla janë të parashikuara dhe për kartëmonedhat prej 20,10 dhe 5 levash gjatë vitit 2020. Nga ana teknologjike, të rinovohen tre kartëmonedha njëkohësisht është e mundur, thonë nga Banka Popullore Bullgare, por deri atëherë do të zhvillohet një fushatë e cila do t’i njohë qytetarët me elementet e reja, të cilat do të paraqiten mbi kartëmonedhat më shpesh të përdorura në ditët tona të përditshme.
Përgatiti në shqip: Nataniela Vasileva
Më 24 maj, Evropa shënoi Ditën e Parqeve, shpallur nga Federata Evropiane e Parqeve Kombëtare dhe Natyrore EUROPARC. Në këtë ditë të vitit 1909 në Suedi u krijuan nëntë parqet e para kombëtare në Evropë. Prapëseprapë, Ministria Bullgare e..
Vetëm ai që nuk e di koston e rrënimit të injorancës mund të ketë frikë nga çmimi i arsimit.Arsimi, besimi dhe kultura jonë e krijuan Bullgarinë si një shtet shpirtëror dhe e ruajtën popullin tonë, tha presidenti Rumen Radev në Sofje gjatë kremtimit..
“Nuk duam të jetë gri, duam të jetë e bukur” – ky është mesazhi i shkollës së mesme “Shenjtor Kirill dhe Metodij” në fshatin Carev Brod. “Shkollë e ndryshme” është motoja tjetër e shkollës, në të cilën mësojnë 118 nxënës deri në klasën e 7-të nga..
Qyteti i Breznikut, vendlindja e mbretit kombëtar të të qeshurit të hidhur Stojan Milenkov , ndodhet në Bullgarinë Perëndimore dhe është i treti më i..
Nxënësit në Ugandë mësojnë të këndojnë këngë bullgare dhe të luajnë vallet tona popullore. Kjo falë Daniell Delibashevit, i cili krijoi një shkollë në..