Kroaci: zgjedhje presidenciale më 22 dhjetor

Zgjedhjet presidenciale në Kroaci do të zhvillohen më 22 dhjetor, bëri të ditur Kryeministri Andrej Plenkoviç.  Në këtë garë zgjedhore kundër njëri-tjetrit do të përballen presidentja aktuale Kolinda Grabar-Kitaroviç, e cila është kandidatja e  partisë në pushtet të Bashkimit Demokratik Kroat, kundër përfaqësuesit të socialdemkratëve dhe ish-kryeministër Zoran Milanoviç. Analizat paraprake sociologjike tregojnë  përkrahje më të madhe për Grabar-Kitaroviç (28,6%) kundër 24,3% për Milanoviç. Dy kandidatët e pavarur – Miroslav Shkoro dhe Mislav Kolakushiç kanë përkatësisht 16,7% dhe 14%.

Demonstrime me rastin e përvjetorit të revoltës studentore në Universitetin Politeknik në Athinë më 1973

Mijëra njerëz dolën në rrugët e Athinës me rastin e përvjetorit të 46-të revoltës së studentëve në Universitetin Politeknik. Policia greke mobilizoi në kryeqytet më shumë se 5000 forca për të ruajtur sigurinë, të cilët patën në dispozicion drona, helikopterë dhe pompa uji. Demonstruesit me pankarta kundër fashizmit dhe flamuj të kuq arritën godinën e Ambasadës së Shteteve të Bashkuara të Amerikës, ku deklaruan pakënaqësinë e tyre për shkak të përkrahjes së atëhershme të Uashingtonit  për juntën e kolonelëve (1967-1974), e cila rrëzoi disa muaj pas ngjarjeve të 17 nëntorit. Pasi kënduan himnin kombëtar protestuesit u shpërndanë. Universiteti Politeknik është një vend legjendar për grekët. Në këtë shkollë të lartë filloi revolta kundër diktaturës së kolonelëve, reagimi kundër së cilës ishte hyrja në të e tankeve. Jetën e tyre në këto ngjarje e humbën 23 veta, mbi 1500 ishin të plagosurit. Revolta në Universitetin Politeknik është fillimi i një sërë ngjarjes, të cilat çuan deri në rrëzimin e juntës dhe restaurimin e demokracisë në Greqi.

Zoran Zaev: "Macedonia the Great" mund të jetë ura midis Maqedonisë së Veriut dhe Greqisë

Kryeministri i Maqedonisë së Veriut Zoran Zaev  deklaroi se zgjidhja e qëndrueshme për markat tregtare të mallrave nga rajoni gjeografik i Maqedonisë “do të jetë akoma një urë ndërmjet Maqedonisë së Veriut dhe Greqisë në pjesën për forcimin e miqësisë, partneritetit strategjik dhe qëllimi është që të gjithë ne të jemi të suksesshëm”. Ky është mendimi i kryeministrit të Maqedonisës së veriut Zoran Zaev i shprehur në lidhje me markën tregtare të prezantuar javën e kaluar në Greqi "Macedonia the Great" për produktet e prodhuara në pjesën greke të rajonit gjeografik Maqedonia. Sot tek ne është “Made in Macedonia” dhe duhet ta zgjidhim këtë çështje në frymën e Marrëveshjes së Prespës. Kemi një regjion të shkëlqyeshëm – Macedoni. Pse të mos jetë “Maqedonia për të gjithë”? – e bëri këtë pyetje retorike Zaevi. Më herët nga Ministria e Punëve të Jashtme e Maqedonisë së Veriut shpallën se nuk kanë marrë informacion për krijimin e markës tregtare "Macedonia the Great" dhe mendojnë se ky është një hap që është në dëm të mirëbesimit ndërmjet të nyja vendeve.

Fatih Donmez: Ndërtimi i gazsjellësit “Rryma Jugore” do të përfundojë deri në fund të këtij viti

Turqia do të përfundojë ndërtimin e  gazsjellësit “Rryma Jugore” deri në fund të këtij viti, tha Ministri turk i energjetikës dhe resurseve natyrore Fatih Donmez në qytetin Viza, në rrethin Kirklareli, ku po zhvillohen punimet e ndërtimit. Sipas fjalëve të Donmezit tashmë janë marrë të gjitha lejet e domosdoshme në përputhje me kërkesat e legjislacionit për mjedisin dhe pyjet. Tubacioni do të  transportojë gaz nga Rusia përmes Turqisë për në Evropë, tha Ministri. Ai sqaroi se gazsjellësi ka dy gypa – njëra është për furnizimet për Turqinë dhe do të lidhet me sistemin kombëtar të shpërndarjes së gazit, kurse tjetri do të kalojë përmes Bullgarisë dhe Serbisë dhe do të arrijë deri në Evropë.

Organizata profesionale nga Bullgaria dhe Amerika e Veriut punojnë për promovimin e tekstilit ballkanik në tregun evropian.

Ndërmarrje nga Bullgaria dhe Amerika e Veriut, të cilat punojnë në fushën e tekstilit deklaruan në Shtip se bashkëpunimi i tyre vazhdon në kuadrin e projektit të katërt me radhë të financuar nga fondet evropiane. Qëllimi është që të rritet standardi në sferën e prodhimit të tekstilit, të zgjerohet pranimi i mallrave ballkanike të kësaj dege në tregjet evropiane. Punëdhënësit që morën pjesë diskutuan stimuj suplementarë për tërheqjen e njerëzve të rinj në këtë sferë. Ndër problemet kryesore në sektor janë pagat e ulëta.

Përpiloi: Miglena Ivanova