Programi i ditës

Radioja Kombëtare Bullgare © 2022 Të gjitha të drejtat janë të rezervuara

Panorama sportive

Federata bullgare e qitjes sportive e shpalli Marija Grozevën më të mirën në këtë sport në Bullgari për vitin 2009
Foto: BGNES
Dimitër Berbatovi tashmë është golashënuesi më i mirë në historikun e kombëtares bullgare të futbollit, pas dy golave të shënuara kundër Maltës. Kështu ai mblodhi në aktivin e tij 48 gola për kombëtaren e Bullgarisë dhe doli përpara rekordmenit të deritanishëm Hristo Bonev, i cili është me 47 gola. Në ndeshjen e kontrollit kundër ekipit të Maltës, e cila ishte ndeshja e fundit zyrtare për këtë vit të futbollistëve tanë të kombëtares, ata u imponuan në mënyrë bindëse me 4 me 1. Përveç Berbatovit, nga një gol shënuan Valeri Bozhinovi dhe Bllagoj Georgievi.

Ekipi i “Liteksit” kryesoi klasifikimin në grupin tonë futbollistik “A” pasi mundi me 5 me 0 “Lokomotiv”nga qyteti Plovdiv në ndeshjen e fundit të javës së 13 të kampionatit kombëtar dhe mblodhi në aktivin e vet 31 pika. Në vendin e dytë mbeti skuadra CSKA pas rezultatit baras në derbinë kundër ekipit të Sofjes “Llokomotiv” 2 me 2. Në vendin e tretë me 26 pika është “Çernomorec”nga Burgasi , pavarësisht nga humbja e tij si mik i “Sllavijës” të Sofjes me 2 me 3. Në vendin e katërt dhe të pestë me nga 22 pika janë dy skuadrat e Sofjes – “Llokomotiv” dhe “Llevski”.

Federata bullgare e qitjes sportive e shpalli Marija Grozevën më të mirën në këtë sport në Bullgari për vitin 2009. Marija Grozeva e meritoi njohjen me dy medaljet e arta të fituara në kampionatet evropiane me armë pneumatike dhe me kalibër të vogël. Në vendin e dytë dhe të tretë janë Viktorija Ivançeva dhe Janina Stançeva, mbajtëse të dallimeve të bronzta nga kampionatet evropiane gjatë këtij vitit. Për ekip më të mirë u shpall Ekipi kombëtar bullgar i të rinjve në përbërje: Solomon Borisov, Angel Çonin dhe Stojan Pushkov, i cili fitoi medaljen e bronzit në kampionatin evropian ne disiplinën 25 metra me pistoletë.

Skuadra e volejbollit e meshkujve e CSKA fitoi kupën “Ataro Klima”. Në rivalitet për vendin e parë ekipi i Sofjes u imponua mbi “Arda” të qytetit Kërxhali me 3 me 1 set. Të dy ekipet kishin nga 5 fitore dhe një humbje para fillimit të ndeshjes, por skuadra me përvojë më të madhe CSKA demonstroi lojë më të mirë dhe si rezultat fitoi trofeun. Rezultatet e turneut janë të vlefshme edhe për klasifikimin në Super ligën e Bullgarisë, ku gjithashtu në krye është CSKA me 30 pika, ndjekur nga “Arda” - Kërxhali me 26 pika.

Kalojan Mahljanov-Kotooshu regjistroi fitoren e 7 në turneun e madh të sumo- s në Fukuoka. Në rrethin e 8 bullgari, i cili ka rangun odzeki, u imponua mbi Tokitenku. Pas kësaj ndeshjeje Mahljanovi vazhdon të jetë në pozicionin e tretë të klasifikimit të përkohshëm me 7 fitore dhe një humbje. Para tij pa asnjë humbje janë vetëm dy sumistë me rangun më të lartë “jokodzuna” – Hakuho dhe Asashorju.

Përgatiti në shqip: Sofia Popova

Më shumë nga rubrika

Mihaella Coneva

Tenistet tona Coneva dhe Mihajllova do të luajnë në çerekfinalet në Antalia

Mihaella Coneva dhe Gabriella Mihajllova u kualifikuan në çerekfinalet e turneut për singel në turneun e tenisit ITF në fusha të kuqe në Antalia (Turqi) me një fond çmimi prej 15 mijë dollarësh. Coneva fitoi derbin bullgar me të tretën Julija..

botuar më 22-01-21 2.37.MD

Bullgaria do të marrë pjesë me 16 sportistë në Lojërat Olimpike Dimërore në Pekin

Bullgaria do të përfaqësohet me 16 sportistë në 7 sporte në Lojërat Olimpike XXIV Dimërore në Pekin, të cilat fillojnë më 4 shkurt 2022. Vendimi u miratua nga Komiteti Olimpik Bullgar. Sportet përfshijnë ski alpin, biatlon, ski vrapim, kërcim me..

botuar më 22-01-20 3.06.MD
Kirill Despodov

Ylli i "Lludogorec" Kirill Despodov është Futbollisti i Vitit në Bullgari

Kirill Despodov u shpall Futbollisti i Vitit në Bullgari për vitin 2021. Sulmuesi i “Lludogorec” fitoi çmimin për herë të dytë në karrierën e tij në konkurrencën e Martin Kamburovit (Beroe) dhe Georgi Jomovit (CSKA). Despodov shënoi 203 pikë,..

botuar më 22-01-20 9.53.PD
Подкасти от БНР