Panorama sportive

botuar më 09-12-07 12.43.MD

“Levski” (Sofje) humbi për herë të pestë të radhës ndeshjen e saj në Ligën Evropë, kësaj here me Vilareal me rezultat 0 me 2.

Foto: BGNES

Në ndeshjen e saj të pestë në Ligën Evropë, skuadra CSKA e Sofjes humbi ndeshjen me Fulham të Britanisë së Madhe me rezultat 0 me 1. Në Ligën Evropë luajti dhe kampionia bullgare “Levski” (Sofje), e cila humbi për herë të pestë të radhës ndeshjen e saj në këtë turne evropiane, kësaj here me Vilareal me rezultat 0 me 2. Kështu “Levski” ndodhet në vendin e fundit të Grupit G dhe është e vetmja skuadër prej 48 të tjerave që nuk ka shënuar asnjë gol.
*
Me humbjet e radhës në Ligën Evropë fatkeqësitë e kampionëve nuk mbaruan. Në ndeshjen e raundit të fundit të vjeshtës të Kampionatit të vendit në Grupin A skuadra e qytetit Sliven mundi skuadrën “Levski” në terren të vet me rezultat 1 me 0 dhe kështu “të blutë” e përfunduan raundin e vjeshtës të kampionatit në pozitën e pestë. CSKA- ja që aktualisht zë vendin e dytë në klasifikimin e përkohshëm ishte mikpritëse e ndeshjes me Çernomorec të qytetit Burgas por ajo mbaroi me rezultat 0 me 0 dhe CSKA mbeti prapë në vendin e dytë të tabelës. Në krye është “Liteks” i Loveçit me 32 pikë përpara ndeshjes së fundit. Në vendin e tretë është “Lokomotivë” e Sofjes.
*
Vazhdojmë me volejboll. Skuadra e meshkujve CSKA humbi ndeshjen me skuadrën “Zenit” të qytetit rus Kazan, që është kampione evropiane e vitit 2008 me rezultat 1 me 3. Ndeshja tjetër e CSKA-së është ditën e enjte kur do të luajë me një kampione tjetër evropiane skuadrën franceze “Tur”.
*
Në edicionin e dytë të Ligës evropiane për femra gjatë verës së vitit 2010 Bullgaria do të jetë në një grup me kombëtaret e Serbisë, Rumanisë dhe Britanisë së Madhe. Në grupin tjetër do të luajnë skuadrat e Turqisë, Spanjës, Greqisë dhe Izraelit. Ende nuk dihet në se do të ketë një grup të tretë në të cilin të hyjnë skuadrat e Francës, Kroacisë, Bjellorusisë dhe Polonisë. Prej kësaj do të varet dhe formula e saktë për klasifikimin në finalen në Turqi. Në edicionin e parë të Ligës evropiane vitin e kaluar volejbollistet bullgare u klasifikuan në vendin e tretë.
*
Bullgari Dimitër Kuzmanov u zgjodh Tenist i vitit në grupin e të rinjve deri në 16 vjeç në klasifikimin tradicional të Asociacionit evropian të tenisit. Shpresa jonë e re mbaroi sezonin si numër një në ranglistën e këtij grupi, pas si gjatë vitit pesë herë luajti në finalet dhe fitoi tre prej 7 turneve gjithsej, në të cilat mori pjesë. Dimitër Kuzmanov është bullgari i dytë pas Grigor Dimitrovit, i cili fiton çmimin prestigjioz në klasifikimin e të rinjve. Në klasifikimin e vajzave kampionia evropiane Viktoria Tomova mbeti në vendin e dytë.

Përgatiti në shqip: Gjullka Ilieva

По публикацията работи: Vesella Vladkova

Последвайте ни и в Google News Showcase, за да научите най-важното от деня!

Ndaje

Panorama sportive

Më shumë nga rubrika

Pjesëmarrës nga 20 vende në Sofia Karate Open 2024 për Kupën e Presidentit

Notari i maratonës Petër Stojçev kaloi ngushticën e Gjibraltarit

Viktorio Iliev u bë kampion i Evropës në boks

Vozitësi ynë Kristian Vasilev shkon në gjysmëfinale në Szeged

Kristian Vasilev u kualifikua në finalen e skifit në Szeged