Krahu jugor i NATO-së është prioriteti më i rëndësishëm për Bullgarinë

botuar më 10-03-30 9.58.PD

Për Bullgarinë prioriteti më i rëndësishëm në kontekstin e Strategjisë së re të NATO-së është siguria e Krahut jugor të NATO-së. Ai përfshin vendet e Ballkanit Perëndimor me perspektivën e tij të qartë euroatlantike dhe rajonin e Detit të Zi me efektin e tij specifik për sigurinë energjetike të vendit dhe të BE. Këtë e shpjegoi zëvendësministri i punëve të jashtme i Bullgarisë Milen Ljuckanov në tryezën e rrumbullakët në Sofje me temën “Koncepti i ri strategjik i NATO-së - vështrim nga Bullgaria”. Në të morën pjesë diplomatë, deputetë, ekspertë nga pushteti ekzekutiv dhe sektori joqeveritar. Bullgaria do të parashtrojë një dokument jozyrtar për çështjet prioritare të vendit, i cili do të marrë në konsideratë propozimet e bëra në tryezën e rrumbullakët, dhe do të jetë kontributi bullgar në konceptin e ri strategjik të NATO-së, në përgatitjen e të cilit marrin pjesë të gjitha vendet anëtare të Aleancës. Sipas fjalëve të Elena Poptodorovës - drejtore e drejtorisë “Politika e sigurimit” pranë Ministrisë së punëve të jashtme, atentati i fundit në Moskë konfirmon nevojën e më shumë përpjekjeve të përbashkëta për solidaritetin praktik në luftën kundër terrorizmit, si edhe për përparimin në punën e Këshillit NATO-Rusi.

“Bullgaria përkrah më aktivisht zgjerimin e infrastrukturës së NATO-së drejt vendeve të reja anëtare të Aleancës dhe gërshetimin më të balancuar të qëndrimeve kombëtare, ndërkombëtare dhe kolektive për përvetësimin e aftësive të reja të mbrojtës kundër raketave” – vuri në dukje Milen Ljuckanovi.

“Bullgaria, si të gjithë aleatët, përkrah shqetësimin e rrezikut të sulmit me raketa balistike, dhe Krahu jugor i Aleancës është më delikat – nënvizoi ai. Qëndrimi i SHBA do të forcojë mbrojtjen e të gjithë aleatëve dhe do të ishte një kontribut i rëndësishëm në ndërtimin e mbrojtjes kundër raketave të NATO-së. Bashkëpunimi potencial me Rusinë mbi këtë çështje është me leverdi reciproke. Sfidat dhe kërcënimet e ndryshme para NATO-së kërkojnë përpjekje gjithëpërfshirëse dhe të koordinuara mirë të pjesëmarrësve në sferën civile dhe ushtarak, të sektorit joqeveritar, të organizatave humanitare dhe të biznesit.”

Miq të posaçëm në forum qenë dy anëtarët e ekipit ekspert të Madlin Ollbrajtit për përgatitjen e konceptit të ri - profesor Adam Rotfelld, ish ministër i jashtëm i Polonisë dhe studiues në sferën e sigurisë ndërkombëtare dhe ambasadori Janis-Aleksis Zepos, sekretar i përgjithshëm i Ministrisë së jashtme greke dhe ish përfaqësues i përhershëm i Greqisë në NATO. Ekipi është i ngarkuar të përpunoi dokumentin fillestar me pjesëmarrjen e të gjitha vendeve si një bazë për vet konceptin.

“Ky dokument, nënvizoi Janis-Aleksis Zepos, duhet të jetë transparent dhe duhet të dimë se çfarë përbën ai. Koncepti përfundimtar do të përgatitet nga kombet dhe sekretari i përgjithshëm i NATO-së. Pjesa më e madhe prej nesh mendojnë se, strategjia e NATO-së nga viti 1999 është akoma aktuale dhe teksti është modern. Por që atëherë kanë rastisur ndryshime të rëndësishme dhe sot ne po punojmë me një vështrim drejt kërcënimeve të ardhshme. Përpara vetes tonë nuk kemi një top magjik të kristaltë, me fjalë të tjera janë të mundshme kërcënime jashtë fushës tonë. Kështu që dokumenti duhet të ketë dhe imagjinatë për kërcënime potenciale. Po punojmë në bashkëpunim me Rusinë. Por është me rëndësi dhe Kina dhe India po kështu të thonë se si e shikojnë sigurinë gjatë viteve të ardhshme.”

“Aktualisht NATO-ja është organizata më mirë e ndërtuar dhe shumë vende duan që të hyjnë në të - vuri në dukje Adam Rotfelld. Por kjo akoma nuk është kriter se Aleanca është shumë e mirë. Është e rëndësishme dhe çështja për sfidat e reja - sulmet kibernaetike. Me fjalë të tjera duhet shumë haptazi ti shqyrtojmë këto çështje , si dhe sesi Bullgaria i shikon ato”

Përgatiti në shqip: Nataniela Vasileva

По публикацията работи: Tatjana Obretenova

Последвайте ни и в Google News Showcase, за да научите най-важното от деня!

Ndaje

Krahu jugor i NATO-së është prioriteti më i rëndësishëm për Bullgarinë

Më shumë nga rubrika

Patriku bullgar Daniill ndodhet në Tiranë për ceremoninë mortore të Kryepeshkopit të Shqipërisë Anastasi

Kur dhe pse Radio Bullgaria arriti në Afrikë?

Shkencëtarët bullgarë: Bullgarët nga Krahinat Perëndimore nuk janë një "komb i shopëve"

Tërmete, thatësira, turbina ere... eko-sfidat bashkojnë nxënës nga Bullgaria, Italia dhe Danimarka

Qendra e Trajnimit në Aeroportin e Sofjes do të trajnojë specialistë nga e gjithë bota