Bullgaria pas Takimit të nivelit të lartë të NATO-s në Çikago

botuar më 12-05-22 12.46.MD

Presidenti i Bullgarisë, z. Rosen Plevneliev me sekretarin e përgjithshëm të NATO-s, z. Anders Fog Rasmusen dhe presidentin e ShBA-së, z. Barak Obama para takimit

Foto: BGNES

Në takimin e nivelit të lartë, që u zhvillua më 20 dhe 21 maj në Çikago, NATO-ja miratoi një plan strategjik për karakterin dhe angazhimet e veta pas vitit 2014, si dhe një deklaratë të përgjithshme, e cila ripohon angazhimin afatgjatë ndaj Afganistanit. Çfarë gjëje e re vjen nga vendimet e Aleancës për Bullgarinë?

Në Çikago NATO-ja shpalli se, sistemi i saj për mbrojtje kundërraketore (MKR) në territorin e vendeve anëtare evropiane ka hyrë në fazën e vet të parë të gatishmërisë operative. Në këtë etapë në sistem janë angazhuar 5 shtete – Turqia, Rumania, Polonia, Italia dhe Spanja. Me një rëndësi strategjike për Bullgarinë është se bile në fazën fillestare, MKR mbulon 100 për qind nga territori kombëtar.

Gjatë kohës së takimit të nivelit të lartë Bullgaria ripohoi angazhimin e vet me politikën e NATO-s për një “mbrojtje inteligjente”, gjatë së cilës aleatët gërshetojnë përpjekjet e veta financiare për arritjen e rezultateve të larta me mjete më të pakta buxhetore. Në Çikago u firmosën marrëveshje për përpunimin dhe shqyrtimin operativ të Sistemit aleat për mbikqyrje mbitokësore AGS (Alliance Ground Surveillance), që për nga vendimi i NATO-s do të bazohet në ishullin sicilian. Sistemi është një projekt prijës në strategjinë për “mbrojtje inteligjente” dhe ka për qëllim të garantojë sigurinë e aleatëve të NATO-s në rrugën e bashkëpunimit për pakësimin e shpenzimeve në kushtet e krizës financiare. Përveç Italisë në projekt marrin pjesë akoma Bullgaria, Gjermania, Estonia, Letonia, Lituania, Luksemburgu, Norvegjia, Rumania, Sllovakia, Sllovenia, ShBA dhe Çekia. Ky grup vendesh do të blejë 5 avionë Block 40 Global Hawk. Marrëveshja është me vlerë 1,2 miliardë euro, kurse mes partnerëve evropianë dhe industrialë është dhe Uzina bullgare për aparaturë telefonike. Me pjesëmarrjen në të Bullgaria do të marrë, përveç kësaj, një prani deri tek operacionet hetimore ushtarake, përfshi dhe monitorim të pjesëve të mëdha nga oqeanet, rrugët e transportit, si dhe trasetë e gazsjellësve dhe naftësjellësve.

Në takimin e NATO-s Bullgaria shpalli zyrtarisht se, do të financojë mirëmbajtjen e Forcave afgane të sigurisë me 500 mijë dollarë për vit në periudhën 2015-2018. Me të vërtetë, shuma e shpallur është modeste, kurse në fakt dhe ajo minimale, me të cilën mund të marrin pjesë shtetet anëtare të koalicionit ndërkombëtar ushtarak në Afganistan. Por me të Bullgaria ripohon angazhimin e vet afatgjatë me rivendosjen e Afganistanit, ku që nga viti 2014 në etapa do të transformojë praninë e vet të tanishme ushtarake në ndihmë të ndërtimit të Forcave të armatosura dhe të Forcave për siguri të vendit nëpërmjet instruktorëve.

Në Çikago nuk u bë fjalë për zgjerim të radhës të Aleancës. Në takimin me ministrat e jashtëm të Maqedonisë, Bosnjë e Hercegovinës, Malit të Zi dhe Gjeorgjisë, kolegët e tyre nga NATO-ja konkluduan se, në takimin e vet të ardhshëm të nivelit të lartë, të parashikuar për vitin 2014, kur mbushen 100 vjet nga fillimi i Luftës së Parë botërore, Aleanca do të ketë një shkak të mirë përsëri të kthehet drejt temës së zgjerimit. Ministri bullgar i punëve të jashtme, z. Nikollaj Mlladenov komentoi se, kjo është me një rëndësi të madhe edhe për aderimin e Maqedonisë, Bosnjë e Hercegovinës, Malit të Zi, dhe kështu dha të kuptohet se, Sofja do të vazhdojë aktivisht të punojë për perspektivën e tyre euroatlantike.

Përgatiti në shqip: Nataniela Vasileva

По публикацията работи: Stoimen Pavllov

Последвайте ни и в Google News Showcase, за да научите най-важното от деня!

Ndaje

Bullgaria pas Takimit të nivelit të lartë të NATO-s në Çikago

Më shumë nga rubrika

Një kabinet i rregullt i kryesuar nga Rosen Zheljazkov do të qeverisë vendin tonë

Rosen Zheljazkov: “Arsimi dhe shëndetësia cilësore do të jenë prioritet i qeverisë së re”

Çfarë përfshin marrëveshja e koalicionit për qeverinë e ardhshme?

Ngjarjet me adresë ballkanike